بو جارا ئێکێ یە دو ئامیرێن نویی یێن نشتەرگەریێن نەخۆشیێن جوبارێن میزێ ل نەخۆشخانا ئازادی دکەڤنە دخزمەتا نەخۆشان دا
د.سگڤان سلێمان دۆسکی، رێڤەبەرێ نەخۆشخانا ئازادی یا فێرکرنێ دیارکر ب هەفکاری و پشتەڤانیا رێڤەبەریا گشتی یا ساخلەمیا پارێزگەها دهۆکێ، بو جارا ئێکێ یە دو ئامیرێن نویی یێن نشتەرگەریێن نەخۆشیێن جوبارێن میزێ ل نەخۆشخانا ئازادی دکەڤنە دخزمەتا نەخۆشان دا، و گۆت: هەبوونا ڤان جورە ئامیران دێ بیتە بارسڤکی بو خەلکێ مە، چونکو بەری نوکە ژ نەچاری قەستا نەخۆشخانێن تایبەت دکرن، و کۆژمێن مەزن د مەزاختن بو ڤان نشتەرگەریا و هەروەسا تێستێن وان، ب خۆشحالی ڤە ئەف هەردوو ئامیرە نوکە ل نەخۆشخانا ئازادی یا فێرکرنێ د بەردەستن و دخزمەتە نەخۆشان دانە، و گۆتژی: ئێک ژ وان ئامیرا (intra cor poreal laser machine) ئامیرێ لێزەرە یێ شکاندنا بەرکێن جوبارێن میزێ، و ئامیرێ (urodynamic machine) بو وان نەخۆشانە یێن ئاریشێن جوبارێن میزێ هەین، وەک کۆنترۆلکرنا دەستئاڤێ و زێدە چوونا دەستئاڤێ، و زانینا ئاریشەیێن نەخۆشان، و ب هیڤینە ل دەمێن بهێت، ئامیرێن نویتر و باشتر ل نەخۆشخانا ئازادی بهێنە دابینکرن، بو زێدەتر خزمەتکرنا نەخۆشان.
