رێڤەبەرێ گشتیێ ساخلەمیا دهوکێ سەرەدانا قائیمقامیا قەزا شێخان کر
ئەڤرۆ 9 ـێ6 ـێ2021 ـێ رێڤەبەرێ گشتیێ ساخلەمیا دهوکێ سەرەدانا قەزا شیخان کر و ژلایێ قائیمقامێ قەزایێ ڤە پێشوازی لێ هاتە کرن.
د دیدارێ دا هەر دوولا بەحس لسەر رەوشا نوکە یا دەڤەرێ کرن و بتایبەتی ژلایێ ساخلەمیێ ڤە،”شێخ سەردار شێخ یەحیا بەرزنجی”، قائیمقامێ قەزا شێخان دیار کر، ژبەر کو قەزا شێخان ژلایێ کارگێری ڤە سەر ب پارێزگەها موسل ڤەیە، لەورا وەکی پێدڤی خزمەتا قەزایێ ناهێتە کرن ژلایێ حکومەتا عێراقێ ڤە، گوت ژی: رێڤەبەریا گشتی یا ساخلەمیا دهوکێ بەردەوام هاریکار و پشتەڤانێ کەرتێ ساخلەمیێ بوویە، هیڤیدارین بەردەوام بن بۆ دابین کرنا خزمەتێن ساخلەمیێ بۆ قەزایا ناڤبری برەنگەکێ گشتی.
ژلایێ خوڤە، ” د.ئەفراسیاپ موسا “، رێڤەبەرێ گشتیێ ساخلەمیا دهوکێ دیار کر: رێڤەبەریا گشتی یا ساخەمیا دهوکێ بەردەوام پشتەڤان و هاریکارە بۆ پێشکێش کرنا خزمەتێن ساخلەمیێ بۆ خەلکێ دەڤەرێ د چارچوڤێ یاسایی و کارگێری دا، لەورا هەر خزمەتەکا د شیان دا هەبیت بۆ قەزایا ناڤبری دێ هێتە پێشکێش کرن.
