رێڤه‌به‌رێ گشتی ژبو هایداربوون لسه‌ر ره‌وشا سه‌نته‌ر و بنگه‌هێن ساخله‌میێ سه‌ره‌دانا چه‌ندین دام و ده‌زگه‌هان كر

ئەڤرۆ 30/10/2021، د.ئەفراسیاب موسا، رێڤەبەرێ گشتیێ ساخلەمیا دهۆکێ سەرەدانا
بنگەهێـن (سەرهلدان و قازى محمد و مه تين و مالتا)یێن ساخلەمیێ دا.
د سەرەانێن خوەدا دووڤچوونا رەوشا ساخلەمیێ ل وان بنگەهێن ساخلەمیێ و کێموکاسی و رەوشا دەرمانان و پێدڤیێن ساخلەمیێ هاتەکرن.
رێڤەبەرێ گشتیێ ساخلەمیێ هاندانا فەرمانبەرێن بنگەهێن ناڤبری کر بو دانانا ڤاکسینێ دژی کۆرۆنایێ و خواست پتر ئاسانکاری بو وەلاتیان د ڤی بیاڤی دا بهێنەکرن.
زاخو:
د.ئەفراسیاب موسا، رێڤەبەرێ گشتیێ ساخلەمیا دهۆکێ، سەرەدانا نەخۆشخانا زاخۆ یا گشتی کر ب مەرەما هایداربوون ل سەر رەوشا خزمەتێن بو نەخۆشان دهێنە پێشکێشکرن و هاندانا وەلاتیان و کارمەندێن ساخلەمیێ بو وەرگرتنا ڤاکسینێ دژی کۆرنایێ.
دهوك
بو دووڤچوون و زانینا کار و ئاریشەیێن دەزگەهێن ساخلەمیێ و چارەسەکرنا وان، ئەڤرۆ د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ، سەرەدانا سەنتەرێ نۆشداریا دەڤ و ددانان کر.
ل سەنتەرێ ناڤبری خزمەتێن د وارێ ساخلەمیا دەڤ و ددانان دا ژ ئینانەدەر و چێکرنا ددانا و پڕکرنا ڕەهێن ددانا و شووشتنا ددانان و شووشتن و پاراستنا ددانان دهێنە پێشکێشکرن.
د.ئەفراسیاب موسا، گەریانەک دناڤ هەموو پشکێن سەنتەری دا کر و خواست خزمەتێن وان بەرفرەهی و بەردەوامی هەبیت، ژپێخەمەت پتر خزمەتکرنا نەخۆشان.
هەروەسا هاندانا فەرمانبەرێن سەنتەری هاتەکرن کو پشتەڤانیا ڤاکسیندانا دژی کۆرۆنایێ بکەن و پێگیریێ ب رێنمایێن خۆپاراستنا ساخلەمیێ بکەن.

Read Previous

بەهینامە

Read Next

بنگەھەکێ ئێڤاریان یێ ڤاکسیندانانێ ل زاخۆ دێ ڤەبیت

Leave a Reply

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *