ئەڤرۆ 26/6/2022 ل رێڤەبەریا ساخلەمیا ئامێدیێ رێڤەبەر و هاریکارێ رێڤەبەرێ یێن نویی دەست ب کاربوون.
ل دەستپێکێ د.ئەفراسیاب موسا، رێڤەبەرێ گشتیێ ساخلەمیا دهۆکێ سۆپاسیا هەر ئێک ژ بەرێزان ( وارشین سەلمان) قایمقامێ قەزا ئامێدیێ و (عمر ئورەی) بەرپرسێ لقێ هەژدە یێ پارتی و بەرپرسێن سەندیکایێن نۆشدار و کارمەندێن ساخلەمیێ کر بۆ ئامادەبوونا وان کرن، و سۆپاسیا رێڤەبەرێ ساخلەمیا ئامێدیێ، دگەل هاریکارێ وی کرن کو د بەری نوکە دا خزمەتەکا باش ئەنجامداینە و دیارکر د وارێ تەنگاڤیان دا دەڤەرا ئامێدیێ پێدڤی ب خزمەتێن بەرفرەهتر هەیە و کار دهێتە کرن بو باشترکرنا وان.
هەروەسا پیرۆزباهیا د.ئیبراهیم حسن، و مەسعود تاهر کر وەکو رێڤەبەر و هاریکارێ رێڤەبەری بۆ کارۆبارێن کارمەندێن ساخلەمیێ ب هەلکەفتا دەست ب کاربوونا وان.
دیسا هەردو بەرێزان، بەرپرسێ لقێ هەژدە یێ پارتی و قایمقامێ قەزا ئامێدیێ سۆپاسیا رێڤەبەر و هاریکارێ کارمەندێن ساخلەمیێ یێن بەرێ نوکە (د.شاکر عبدالعزیز، دەرویش رشید) کرن بۆ رۆلێ وان و پیرۆزباهیا یێن نوی دەست ب کاربووین هاتەکرن و خواستن باشتر خزمەتکرنا دەڤەرا ئامێدیێ ژلایێ ساخلەمیێ بهێتەکرن و هەڤکاریەکا باش ژلایێ وان دێ هەبیت بو بەرفرەهکرنا وان خزمەتان.
