ئەڤرۆ چوار شەمبی 23 ـێ حوزەیرانا 2021 ـێ “د.ئەفراسیاپ موسا”رێڤەبەرێ گشتیێ ساخلەمیا پارێزگەها دهوکێ، پێشوازی ل “خەلیل مەحمود ئوسێ” قائیمقامێ قەزا بەردەرەش کر.
د وێ هەڤدینێ دا هەر دوولا بەحسێ رەوشا نوکە یا ساخلەمیێ کرن، کا دێ چاوا هەماهەنگیەکا زێدەتر بکەن بۆ خزمەتا کەرتێ ساخلەمیێ.
“د.ئەفراسیاپ موسا” رێڤەبەرێ گشتیێ ساخلەمیا دهوکێ دیار کر: هەر کارەکێ دهێتە کرن بێ جیاوازی لسەرانسەری پارێزگەها دهوکێ دهێتە ئەنجام دان و ئامانج ژێ خزمەتکرنا خەلکێ سەرانسەری پارێزگەها دهوکێ ب هەموو قەزا و ناحیەڤە دگەل پەنابەر و ئاوارەیانە.
هەروەسا هەر دوولا داکوکی لسەر وێ چەندێ کر کو هەمی هەول دهێنە دان کو نێزیکترین دەم نەخۆشخانا تەنگاڤایا بەردەرەش بهێتە ئاڤاکرن و بکەڤیتە خزمەتا خەلکێ دەڤەرێ دا.
ژلایێ خوڤە، “خەلیل مەحمود ئوسێ” قائیمقامێ بەردەرەش دیار کر: د رەوشا نوکە دا ژبەر ڤایرۆسێ کۆرۆنایێ ئەرک و کارێن ستافێ نوشدار و کارمەندێن ساخلەمیێ و فەرمانبەران ل رێڤەبەریا گشتیا ساخلەمیێ ناهێتە ژبیر کرن، هیڤی خواست بەردەوام بن لسەر ڤی کارێ مرۆڤایەتی.
