ژبۆ پێشتەڤانی و سەرکەفتنا پرۆسێسا ڤاکسیندانێ ل دهوکێ رێکخراوا خاچا سور یا نیڤدەولەتی هژمارەکا لاپتوبێن پشکەفتی پێشکێشی ساخلەمیا دهوکێ کرن و بریارە ئەو لاپتوپ لسەر 36 بنگەهـ و دوو نەخۆشخانەیان ل سەرانسەری پارێزگەها دهوکێ بهێنە دابەش کرن.
د.ئەفراسیاپ موسا، رێڤەبەرێ گشتیێ ساخلەمیا دهوکێ دیار کر: سوپاسیا رێکخراوا خاچا سور یا نیڤدەولەتی دکەین ژ بۆ ڤێ هاریکاریێ و هیڤیدارین پشتەڤانیا وان بۆ کەرتێ ساخلەمیێ یا بەردەوام بیت.
ژلایێ خوڤە، د.ئیدریس ئلیاس، نوینەرێ رێکخراوا خاچا سور یا نیڤدەولەتی گوت: دا کو پرۆسێسا ڤاکسین دانانێ برەنگەکێ رێک و پێک رێڤە بچیت، ئەم وەک رێکخراو خاچا سور هژمارەکا لاپتوبێن پێشکەفتی و سەردەمیانە پێشکێشی هەمی وان بنگەهـ و نەخۆشخانەیان دکەین دا کو داتا و ئامارێن ڤاکسین بهێنە تومار کرن و رژا دروست کەسێن ڤاکسین وەرگرتی بهێتە زانین.
