سه‌نته‌رێ دهۆك یێ راهێنانا شیانێن كلینیكى سه‌نته‌ره‌كێ نوویه ل دهۆكێ وهه‌موو عیراقێ، ئه‌ڤ سه‌نته‌ره بۆ وێ چه‌ندێ یه شیانێن نۆشدارى و په‌رستارى بلند بكه‌ت و ده‌لیڤه‌كا باش بۆ وان كه‌سان په‌یدابیت یێن راهێنانان دكه‌ن بۆ هندێ باشتر كارێ خوە ئه‌نجام بده‌ن.
د. نوره‌دین عەبدوللا حەمدی، رێڤەبەرێ سەنتەری دیاركر:” ب سۆپاسیڤە ب هاریكاریا رێكخراوا giz ورێكخراوا ئایسپۆ چه‌ند ئامیرێن پێشكه‌فتى ل سه‌نته‌رێ دهۆك یێ راهێنانا شیانێن كلینیکی داناینه و نوكه ژى ب پشته‌ڤانیا رێكخراوێ ده‌ست ب ڤه‌كرنا خولان هاتیه كرن بۆ نۆشدار و په‌رستاران ئه‌و ئامیرێن بۆ مه‌شقدانێ هاتینه دابینكرن وه‌سا پشكه‌فتى نه هه‌موو كارێ راهێنان ومه‌شقدانێ ل سه‌ر دهێته كرن و گۆت: نوكه دو جۆرێن خولا دهێنه ڤەكرن ئه‌وژى خوله‌ك چاوانیا هه‌لكێشانا ئاڤێ و ده‌رخستنا وێ د ناڤ گەدەى دا ل نه‌خۆشێن پێدڤى و چاوانیا دانانا تیوبێ هه‌ناسێ وچاوانیا پاقژكرنا وى بۆ كه‌سانێن هه‌ناسا وان كورت بیت و هه‌موو په‌رستارێن ل نه‌خۆشخانا ته‌نگاڤیان و ئازادى كار دكه‌ن دێ مفایى ژێ وه‌رگرن.
