شاندەکێ مەکتەبا ناوەندی یا رێکخراوێن جەماوەری و پێشەی یا پارتی دیموکراتی کوردستان ب سەرپەڕشتیا د.ئەمیر شیڤ چەلەبی، بەرپرسێ فایلێ سەندیکایێن ساخلەمیێ، دگەل نەقیبێن سەندیکایێن ( نۆشداران، نۆشدارێن ددانا و دەرمانسازان)، سەرەدانا رێڤەبەریا گشتی یا ساخلەمیا دهۆکێ کرن و ژلایێ د.ئەفراسیاب موسا، رێڤەبەرێ گشتی هاتن پێشوازیکرن.
د کومبوونەکێ دا ب ئامادەبوونا بەهجەت ئاڤدەل، بەرپرسێ رێکخراوێن جەماوەری و پێشەی یا لقێ ئێک و بەرپرسێن سەندیکا ل دهۆکێ، سەرەرای پیروزباهیکرنا رێڤەبەرێ گشتی، بەحسێ هەڤکاری و پشتەڤانیا ساخلەمیێ دگەل سەندیکایێن ناڤبری هاتە کرن داکو پتر خزمەتا پێشەیێن ساخلەمیێ بهێتەکرن.
دئەفراسیاب موسا دیارکر کو رێڤەبەریا گشتی یا ساخلەمیا دهۆکێ ب هەموو شیانان دێ پشتەڤانی ل کارێ سەندیکی هێتەکرن کو هەر لایەک ل دووڤ دەستەلاتێن خوە کارێ خوە ئەنجام بدەت.
