مەرجەکێ نوی بو دەواما فەرمانبەران و مامۆستایان دهێتە دانان

وەزیرێ ساخلەمیێ ڕادگەهینیت، ژڤێرێ و پاش ل دووڤ خشتەکی ڤاکسین دێ بو خەڵکی هێتە دانان، تەئکید دکەت ڤاکسین دێ بیتە مەرجێ دەوامکرنا فەرمانبەران و مامۆستایان.
وه‌زیرێ ساخلەمیا حكۆمه‌تا هه‌رێما كوردستانێ ڕاگەهاند: “هەوڵ د دەین و بڕیارە ڤاکسین ببیتە مەرج بۆ دەوامکرنا فەرمانبەران و مامۆستایان”.
د. سامان به‌رزنجی، وه‌زیرێ ساخلەمیێ بڕیارەکا نوو یا وەرگرتنا ڤاکسینێ ئاشکرا کر و گۆتی: “نوکە ژمارا بنگەهێن پێدانا ڤاکسینێ زێدەکرینە، لەورا فشار ل سه‌ر بنگەهان نه‌مایە و هه‌ر كه‌سەكێ بڤێت، دشێت راسته‌وخۆ سه‌رەدانا بنگەهێ وه‌رگرتنا ڤاکسینان بكەت و ئێکسەر دێ وەگریت و ناڤێ چیتە د ناڤ سیسته‌مێ ئه‌لكترۆنی دا، وەکو پێشتر پێدڤی ب ژڤانگرتنێ ناکەت”.
سامان بەرزنجی ئەوژی دیارکر : ” نوکە زێدەتر ل ئێک ملیۆن و 945 هزار ژه‌مێن ڤاکسینێ کۆرۆنایێ ده‌ست كه‌فتینە، ژ وێ ژمارێ ئێک ملیۆن و 112 هه‌زار ژه‌م ب كارهاتینه‌، كو زێدەتر ژ 625 هزار کەسان ژه‌ما ئێکێ وه‌رگرتیه‌ و 410 هزار كه‌سان ژی هه‌ردو ژه‌مێن ڤاکسینێ وه‌رگرتینه‌”.
بەحس ل وێ چەندێ ژی کر: “ل ڕۆژێن بهێت دا تیمێن گەڕۆک، کو 30 تیمن ل هەموو هه‌رێما كوردستانێ دێ چنە جهێن قەرەبالغ، بۆ هندێ ئەو ب خوە دناڤ خه‌ڵكی دا بگه‌ڕێن و ڤاکسینێ پێ بده‌ن”.
ڕوونژی کر، کۆمبوونا لیژنا بلند یا بەرهنگاربوونا کۆڕۆنایێ دێ هیتەکرن، بەلێ بەحسێ کەرەنتینێ و داخستنا قوتابخانە و زانکۆیان ل ئارادا نینە، گوتی ژی: ” نوکە ژبەرکو ڤاکسینێ دژی كۆرۆنایێ به‌رده‌سته‌، ناڤەگەرینه‌ راگه‌هاندنا كه‌ره‌نتینێ”.

Read Previous

ڤاكسین كرنا پێشمه‌رگه‌یێن قاره‌مان

Read Next

مەرجەکێ نوی بو دەواما فەرمانبەران و مامۆستایان دهێتە دانان

Leave a Reply

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *