ئەڤرۆ 26/7/2022، د.ئەفراسیاب موسا، رێڤەبەرێ گشتیێ ساخلەمیا دهۆکێ پێشوازی ل شاندەکێ پشکا ساخلەمیێ یێ رێکخراوا UNHCR کر.
د کۆمبوونەکێ دا بەحسێ رەوشا ساخلەمیا ئاوارە و پەنابەران و خزمەتێن د بیاڤێ ساخلەمیێ دا بۆ دهێنە پێشکێشکرن هاتەکرن.
هەروەسا چاوانیا پێشڤەبرن و بەڕفرەهکرنا خزمەتێن چارەسەریێ و دەروونی تەوەرەکێ دی یێ کۆمبوونێ بوون و چەندین پێشنیار و راسپاردە د ڤی واری دا هاتن بەرچاڤکرن.
شاندێ رێکخراوا ناڤبری و وەکو پشتەڤانی بۆ تیمێن ساخلەمیێ یێن کار دناڤ ئاوارە و پەنابەران دکەن سێ ترومبێل پێشکێشی ساخلەمیا دهۆکێ کرن.
