سوباهی یازدە بنگەهان دێ ڤاکسینێ کۆرۆنایێ هێتەدانان پشتی گەهشتنا 11500 قورچێن ڤاکسینێ ئەسترازینیکا بو پارێزگەها دهۆکێ، ب سەرپەرشتیا د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ، کۆمبوونەک دگەل لیژنا بلندا ڤاکسیندانێ ل دهۆکێ هاتەکرن ل دۆر چاوانیا دەستپێکرنا ڤاکسیندانانێ بو نۆشدار و کارمەندێن ساخلەمیێ و هێزێن ناڤخۆ و کەسانێن دانعەمر ئەوێن خوە تومارکرین بو ڤاکسیندانانێ، د کۆمبوونێ دا بڕیار هاتە دان سوباهی رۆژا ئێکشەمبی ل یازدە بنگەهان ل سەرانسەری پارێزگەها دهۆکێ ڤاکسین بو ستافێ ساخلەمیێ و هێزێن ناڤخۆ و کەسانێن سەر 50 سالیێ دا یێن خوە تومارکرین بهێنەدانان و ئەڤرۆ نامە ب رێیا موبایلان دێ بو هێنە هنارتن و تێدا دێ هێنە ئاگەهداکرن کا ل کیژان بنگەهی دێ ڤاکسینێ وەرگرن و بنگەهـ ژی ئەڤەنە: ٭ سەنتەرێ قەزا دهۆک: – بنگەهێ خەبات یێ ساخلەمیێ. – بنگەهێ بەهدینان یێ ساخلەمیێ. – بنگەهێ شەهید محمدسالح بۆتی یێ ساخلەمیێ. – بنگەهێ نزارکێ یێ ساخلەمیێ. – بنگەهێ شەهیدان یێ ساخلەمیێ. ٭ قەزا زاخۆ: – بنگەهێ بێدارێ ٭ قەزا ئاکرێ: – نەخۆشخانا گۆلان یا گشتی ٭ قەزا ئامێدیێ: – بنگەهێ بۆتان یێ ساخلەمیێ. ٭ قەزا سێمێلێ: – بنگەهێ گۆلان یێ ساخلەمیێ. ٭ قەزا شێخان: – بنگەهێ ئاراس یێ ساخلەمیێ. ٭ قەزا بەردەرەش: – بنگەهێ خازڕ یێ ساخلەمیێ. هیڤیە ئەو کەسێ ناما موبایلێ بو دچیت، دەمێ قەستا ڤاکسیندانانێ دکەت. ناسناما خوە دگەل کودێ خوە ببەت
