د. حه‌مدى عسمه‌ت رێکانی ، به‌رپرسێ پشكا تیشكێ ل ساخله‌میا دهۆكێ دیارکر:” ل نه‌خۆشخانا ئازادى یا دهۆكێ نوكه هه‌ر چار جۆرێن تیشك وسونه‌رى و مفراسێ هه‌نه، دناڤ نه‌خۆشخانێ دا چار پشك هه‌نه ئه‌وژى مفراس و سونه‌ر و تیشکا نورمال وره‌نین دگه‌ل چه‌ندین جۆرین پشكنینان دهێنه كرن و گۆت: تێشك بۆ هنده‌ك نه‌خۆشان دهێته گرتن هه‌كه یێ پێدڤى بیت، چونكو تیشكێ ژى زیانێن خوە هه‌نه و رۆژانه 400 هه‌تا 500 نه‌خۆشان بۆ گرتنا هه‌موو جۆرێن تیشكێ قه‌ستا نه‌خۆشخانا ئازادى دكه‌ن.
دیارکر ل نەخۆشخانا ئازادی حه‌فت ئامیرێن سونه‌رێ هه‌نه ونه‌خۆش پێدڤى ب ژڤانى ناكه‌ت، بۆ ده‌مێ 24 ده‌مژمێران پشکا تیشكێ یا ڤه‌كریه بۆ هه‌ر حاله‌ته‌كێ ته‌نگاڤ خزمه‌تا وان دهێته كرن.
د. حه‌مدى عسمه‌ت ، ئاشكه‌را كركو تیشكا نورمال بۆ نه‌خۆشێن سینگى پتر دهێته بكارئینان وهه‌كه بۆریا خوارنێ ئاریشه‌ك هه‌بیت یان قولونى ده‌رمانه‌كی ددەنه نه‌خۆشى وپاشى تیشكێ بۆ دگرن ئه‌و تیشكا رەنگا و رەنگە و نه‌خۆش به‌رى تیشكێ پێدڤیه خوە به‌رهه‌ڤ بكه‌ت و هه‌شت ده‌مژمێران چو نه‌خۆت هه‌تا تیشك بۆ دهێته گرتن و هه‌ر جۆره تیشكه‌كێ یان پشكنینه‌كێ پێدڤیه نه‌خۆش به‌رهه‌ڤێن خۆ بكه‌ت بۆ وى چه‌ندێ ب باشى ده‌ربكه‌ڤت.
ناڤهاتى ئه‌وژى خۆیا كركو مفراسى رۆله‌كێ مه‌زن هه‌بوو بۆ ده‌ستنیشانكرنا نه‌خۆشیا كورۆنایێ د هاته بكارئینان 90% مفراسى نه‌خۆشیا كورۆنایێ ده‌ستنیشان دكر، ده‌مێ نه‌خۆشخانا ئازادى بۆ چاره‌سه‌ركرنا تووشبوویێن كورۆنایێ هاتیه ته‌رخانكرن ل وی ده‌می ب رێیا مفراسى مه خزمه‌تا نه‌خۆشان دكر.
د. حه‌مدی عسمه‌ت، ئه‌وژى دیارکر کو ره‌نین بۆ ئێشێن سه‌ری باشتره و یا گرنگه تیشكا دروست بۆ ئێشا دروست بهێته بكارئینان هه‌ر جۆره ئه‌ندامه‌كێ لەشى جۆره‌ك یێ گرنگه دو ئامیرێن ره‌نینى و مفراسى ل دهۆكێ هه‌نه هه‌موو هه‌ولدان دهێنه كرن ب باشترین شێوه ب ڤان ئامیران خزمه‌تا وه‌لاتیان بهێته كرن و گۆت: هه‌كه مرۆڤى بڤێت پشكنینن ب شێوه‌یه‌كێ دروست بهێته كرن پێدڤى ده‌م پێ بهێته دان داكو باشتر ئه‌نجام هه‌بن بۆ هنده‌ك نه‌خۆشان پێنج ده‌قیقه هه‌تا شه‌ش ده‌قیقا كار دهێته كرن و بۆ هنده‌ك ئه‌ندامێن دی یێن لەشى پتر ده‌م پێدڤیه به‌رى ره‌نین بهێته گرتن.
