ل دهوکێ جاره‌كا دی هژمارا تووشبوویێن كورۆنایێ به‌ره‌ڤ زێده‌بوونێ دچیت

رێڤه‌به‌رێ نه‌خۆشخانا كۆرۆنایێ ل دهۆكێ دیاركركو نوكه‌ ل پارێزگه‌ها دهۆكێ جاره‌كا دی هژمارا تووشبوویێن كورۆنایێ به‌ره‌ڤ زێده‌بوونێ یه‌ پێدڤیه‌ وه‌لاتى خوە بپارێزن و پێگیریێ ب رێنمایێن ساخله‌میێ بكه‌ن.
د. هه‌كار مسته‌فا، رێڤه‌به‌رێ نه‌خۆشخانا كۆرۆنایێ ل دهۆكێ راگه‌هاند: هژمارا تووشبوویێن كورۆنایێ ل دهۆكێ به‌ره‌ڤ زێده‌بوونێ یه‌ و نوکە ل دهۆكێ 62 تووشبوویێن ره‌وشا وان مەترسیدارە دناڤ نه‌خۆشخانه‌یێن دهۆكێ دا هاتینه‌ نڤاندن بۆ وه‌رگرتنا چاره‌سه‌ریێ، ئه‌ڤه‌ د ده‌مه‌كی دایه‌ ل حه‌فتیا بۆرى هژمارا تووشبوویان ب تنێ 35 نه‌خۆش بوون کو چارەسەری وەردگرت “.
ئاشكرا كر ژی:” پشتی کو نوکە هژمارا تووشبوویان جاره‌كا دی ل دهۆكێ زێده‌ دبیت مه‌ پلان دانایه‌ ته‌ختێن چاڤدێریا چڕ ل نه‌خۆشخانا لالاڤ بۆ چاره‌سه‌ركرنا تووشبوویێن كورۆنایێ زێده‌ بكه‌ین دێ 10 ته‌ختێن نوى هێنه‌ دانان، چونكو نۆكه‌ جاره‌كا دێ ره‌وش به‌ره‌ڤ نه‌باشى یه‌”.
ناڤهاتی گوت ژی:” نۆكه‌ 62 تووشبوویێن كورۆنایێ ل ناڤ نه‌خۆشخانه‌یێن دهۆكێ دا چاره‌سه‌ریێ وه‌ردگرن ژوانا ژى 18 تووشبووی ل سه‌ر ئامیرێ چاڤدێریا چر هاتینه‌ دانان”.

Read Previous

نێزیکی 15% پرۆژێ نەخۆشخانا 100 تەختی یا شێلادزێ دوماهیک هاتیە

Read Next

رێنما دێ هێنه‌ دانان بۆ سۆنه‌تكرن و كاركرنا كارمه‌ندێن ساخله‌میێ

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *