وه‌زیرێ ساخله‌میێ حكومه‌تا هه‌رێما كوردستانێ دگه‌ل د. ئه‌فراسیاب موسا ، رێڤه‌به‌رێ گشتێ یێ ساخله‌میا پارێزگه‌ها دهۆكێ سه‌ره‌دانا ئیدارا سه‌ربه‌خۆیا زاخۆ كر و ساخله‌میا زاخۆ دێ بیت رێڤه‌به‌ریا گشتى یا ساخله‌میا زاخۆ ودێ ئامیرێن نوژدارى وپێدڤیێن ساخله‌میێ بۆ ئیدارا سه‌ربه‌خۆیا زاخۆ هێنه دابینكرن.
د. سامان به‌رزنجى، وه‌زیرێ ساخله‌میێ حكومه‌تا هه‌رێما كوردستانێ د کونگره‌كێ رۆژنامه‌ڤانێدا راگه‌هاندكو:” مه سه‌ره‌دانا نه‌خۆشخانە و بنگه‌هیێن ته‌ندروستى ل زاخۆ كر بۆ پتر باشكرنا خزمه‌تێن ته‌ندروستى ل زاخۆ کر و بریار هاته‌دان ساخله‌میا زاخۆ ژى ببیته رێڤه‌به‌ریا گشتى یا ساخله‌میێ ل زاخۆ و دێ هه‌موو پێدڤیێن نوژدارى بۆ ساخله‌میا زاخۆ هێنه دابینكرن و دێ پتر خزمه‌تا خه‌لكێ زاخۆ كه‌ت.
ئاشكه‌را كركو:” بریار هاته دان چه‌ند پێدڤیێن گرنگ یێن ساخله‌میێ بۆ زاخۆ دابین بكه‌ین یا ژ هه‌موویان ژى گرنگتر ئه‌وه بۆ كێمكرنا روتینى یه‌كا ژمێریا و بودجه‌یا هه‌یڤانه هه‌بیت وئامیرێن نوژدارى بۆ زاخۆ بهێنه دابینكرن و هه‌ر تشته‌كێ شیاندا بیت دێ بۆ ئێدارا سه‌ربه‌خۆیا زاخۆ دابین كه‌ین”.
وه‌زێرێ ساخله‌میێ حكومه‌تا هه‌رێما كوردستانێ، گۆتژى:” بۆ نه‌خۆشخانا ژن و زارۆكبوونێ و هاوارهاتنى دێ هاریكارى هێته كرن و دێ كار هێته كرن سه‌نته‌رێ 122ێ ژى ل زاخۆ بهێته ڤه‌كرن و بنگه‌هه‌كێ تالاسیمیا ژى بۆ نه‌خۆشان ل زاخۆ دێ هێته ڤه‌كرن وئامیرێن نوژدارى دێ هێنه دابینكرن وچاكکرن.
