ب ئامادەبوونا بەرێزان د.سامان بەرزنجی وەزیرێ تەندروستی و ئەحمەد زویتن بەرپرسێ رێکخراوا ساخلەمیا جیهانی ل عیراقێ و مازن محمد سعید، قایمقامێ قەزا ئاکرێ و صباح بیت الله، بەرپرسێ لقێ نەهـ یێ پارتی ل ئاکرێ و بەرپرس و نوونەرێن رێکخراوا ئایسپۆ یا ئیتالی،
به‌رێ بنیاتى بۆ نووژه‌نكرن وبه‌رفره‌هكرنا پشكا ته‌نگاڤیا زارۆكان ل ئاكرێ هاته دانان
رێڤه‌به‌رێ گشتى یێ ساخله‌میا پارێزگه‌ها دهۆكێ دیاركر:”ل رۆژا 28/6/2022ێ به‌رێ بنیاتێ بۆ نووژه‌نكرن و به‌رفره‌هكرنا پشكا ته‌نگاڤیا زارۆكان ل قه‌زا ئاكرێ هاتە دانا.
د. ئه‌فراسیاب موسا، رێڤه‌به‌رێ گشتى یێ ساخله‌میا پارێزگه‌ها دهۆكێ د كۆنگره‌كێ رۆژنامه‌ڤانیدا راگه‌هاند كو:” دریژێ پێدان ب ئه‌نجامدانا پرۆژه‌یێن خزمه‌تگوزارێ ژلایێ حكومه‌تا هه‌رێما كوردستانێ ڤه ب پالپشتیا رێكخراوا ساخلەمیا جیهانى ب هاریكاریا رێكخراوا ئایسپۆ دێ پشکا ته‌نگاڤیا زارۆكان ل نه‌خۆشخانا ئاكرێ هێته نووژه‌نكرن و به‌ره‌فرەهكرن دێ 36 ته‌خت هێنه دانان دگه‌ل پشكا ته‌نگاڤیا و چاڤدێریا چر دهێته دانان بۆ خزمه‌تكرنا زارۆكان دووڤ ستانده‌رێن جیهانێ دهێته دروستكرن”.
ئاشكرا كركو:” 15% خه‌لكێ سه‌ره‌دانا نه‌خۆشخانه‌یێن ئاكرێ دكه‌ن ئاواره وپه‌نابه‌رن ئه‌وژى دێ دگه‌ل خه‌لكێ ئاكرێ ژ خزمه‌تێن ساخلەمیێ مفادار بن”.
مازن مه‌حمه‌د سه‌عید، قایمقامێ قه‌زا ئاكرێ دیاركركو:” ئه‌ڤ ساله كۆمه‌كا پرۆژه‌یێن خزمه‌تگوزاری ل قه‌زا ئاكرێ دوارێ په‌روه‌ردە و ساخله‌میێ و ئاڤێ و كاره‌بێ دا دهێنه ئه‌نجامدان”.
د. سامان به‌رزنجى، وه‌زیرێ ساخلەمیێ هه‌رێما كوردستانێ راگه‌هاندكو:” ئه‌ڤرۆ به‌رێ بنیاتێ هاته دانان ل نه‌خۆشخانا ئافره‌ت وزارۆكان دێ چه‌ندین پشکێن گرنگ ل قاویشا ئافره‌ت و زارۆكان و پشکێن زارۆکێن پێشوەخت وتیشك و نووژه‌نكرنا هولا نشته‌رگه‌ریێ ئه‌ڤ خزمه‌ت دێ ل ئاكرێ ب پشته‌ڤانیا رێكخراوان دهێنه ئه‌نجامدان”.
پاشان بنگەهێ پشکنینا چاڤان ل ئاکرێ هاتەڤەکرن کو دێ خزمەتەکا باش بۆ هەموو خەلکێ ئاکرێ و دەوربەرا پێشکێش کەت.
