بەرێ بنیاتی بۆ پرۆژەیەکێ هاتە دانان، دوو ژورێن نشتەرگەریێن پێشکەفتی ل ئامێدیێ هاتنە ڤەکرن

ئەڤرۆ 2021/5/30 ب چاڤدێریا بەرێز “د.عەلی تەتەر ” پارێزگارێ دهۆکێ و ب ئامادەبونا ” شمعون شلیمون ایشو ” جێگرێ پارێزگارێ دهۆکێ و “د. ئەفرا سیاب” رێڤەرێ گشتی یێ ساخلەمیا پارێزگەهێ و پرۆفیسور ” فابیۆ جێجەری” سەروکێ رێکخراوا ئایسپو ئیتالی، بەرێ بنیاتی بۆ ئاڤاکرنا پشکا نوو یا شیرەتکاریا دەرڤە ل نەخوشخانا ئافرەت و زارۆکبونێ ل دهوکێ هاتە دانان و دوو ژورێن نشتەرگەری و ئامیرێن پشکەفتی و سەردەمیانە ل ئامێدیێ هاتە ڤەکرن.
پرۆژێ نەخۆشخانا ژن و زاروکبوونێ لسەر رووبەرێ 450 مەترێن دووجا دێ دهێتە دروستکرن کو ژ دوو ژورێن شیرەتکاری و ژورەکا نشتەرگەریێن بچۆک، ژورەکا زارۆکان، ژورەکا سونەرێ، ژورەکا پشکنینان دگەل ژورەکا دەرمانخانێ سپێدە و ئێڤاریان پێک دهێت.
پرۆژە د چارچۆڤێ پرۆژێ (پشتەڤانی بو دەیکێ و زارۆکی ل دهوکێ) ئەوێ دهێتە پشتەڤانی کرن ژلایێ حکومەتا ئیتالی و ب رێیا ئاژانسا ئیتالی بۆ گەشەپێدان و هەفکاریێ، ب تێچونا کارێ بیناسازی و کەرەستێن نوشداری 343 هزار و 942 یورویان دهێتە مەزاختن.
هەروەسا ل نەخوشخانا سەنتەرێ قەزا ئامێدیێ دوو هولێن نەشتەرگەریان سەردەم و پێشکەفتی هاتنە ڤەکرن دوو جهێن پێدڤی هاتنە نوژەنکرن و کارگەهەکا چێکرنا غازێ و بەرهەمئینانا ئوکسجینی و دانانا( UPS )ێن کارەبێ بۆ ژوورا نشتەرگەریێ دگەل دابینکرنا کەلوپەلێن پزیشکی ب بهایێ 800 هزار یورویان ب پشتەڤانیا ئێکەتیا ئەوروپی دێ کەڤیتە د خزمەتا خەلکێ دەڤەرێ دا

Read Previous

ژبو دوو گیانیه‌كا ساخله‌م

Read Next

رێڤه‌به‌رێ پشكا ئه‌ندازیاری هاته‌ گوهارتن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *