• تشرینی یه‌كه‌م 6, 2022

دهوك..بۆ بهێزکرنا بەرسڤدانێن پاراستنا زاروک و تەخێن زیان دیتی سێ رێڤەبەریێن گشتی بەشداری خولەکا چوار هەیڤی دبن

ئەڤرۆ ئێک شەمبی 27 ـێ خزیرانا 2021 ـێ رێکخراوا سییت فوندەیشن یا نەحکومی ب هەماهەنگی دگەل سێ رێڤەبەریێن گشتی یێن پارێزگەها دهوکێ کو ساخلەمی و نەهێلانا توندوتیژیا دژی ئافرەت و خێزانێ دگەل چاڤدێری و گەشەپێدانا جڤاکی بەشداری خولەکێ دبن بۆ بهێزکرنا بەرسڤدانێن پاراستنا زارۆکا و کومەلێن زیان بەرکەفتی د جڤاکی دا.
د.ئەفراسیاب موسا رێڤەبەرێ گشتیێ ساخلەمیا پارێزگەها دهوکێ دیار کر، سوپاسی بۆ رێکخراوا SeedFoubdation ژبۆ هاريكاری کرن و پشتەڤانیا وان بۆ دابينكرنا خزمەتێن ساخلەمیا دەروونی و پشتەڤانیا دەروونی – جڤاکی ل دهوکێ بۆ ئاوارە و پەنابەر و خەلکێ پارێزگەها دهوکێ ب گشتی.
رێڤەبەرێ گشتیێ ساخلەمیا دهوکێ ئاشکرا ژی کر، د چەندين سالێن بوريدا رێكخراوا Seed Foundation هاريكاريا رێڤەبەريا گشتى یا ساخلەميا پارێزگەها دهوكێ كريه، بۆ رێڤەبرنا گروپێ ساخلەمیا دەروونی (MHPSS) د بياڤين جودا جودا. و نەبتنێ ئەڤه هەمان رێكخراو رابوويه ب باشتركرنا كوالێتيا كاروبارين ساخلەميا دەروونی دناڤ رێكخراوێن دی يێن نەحكومی دا ژی هەیە کو كار دكەن ل سنورێ پارێزگەها دهوكێ و هەردەم نموونەیەکا باش بووینە بۆ رێکخراوێن دى بۆ هەڤکاریا رێڤەبەریا گشتی یا ساخلەمیا پارێزگەها دهوكێ بۆ بابەتێن ساخلەمیا دەروونى.
ل دوماهیێ رێڤەبەرێ گشتی ساخلەمیا پارێزگەها دهوکێ سوپاسيا رێكخراوا Seed Foundation دکەین بۆ هاريكاریێن وانا بۆ دابين كرن و خزمەتێن ساخلەمیا دەروونی، هیڤی دخوازین بەردەوام بین.
شیری کراهام تەلەبانی، رێڤەبەر و سەرۆکا دەزگەهێ سیید دیار کر، دەستپێکرنا پرۆگرامێ خولێ لسەر بهێزکرنا بەرسڤدانێن پاراستنێ بۆ زارۆک و کومەلێن زیان بەرکەفتی یە ژ پرۆگرامێ ڤێ خولێ.
گوت ژی، دەزگەهێ سیید رێکخراوەکا نافخۆی/نەحکومی یە کار دکەت لسەرانسەری هەرێما کوردستانێ بۆ پاراستن و بهێزکرن و پشتگیریا چارەسەریا رزگاربوویێن توندوتیژیێ و ئەوێن د مەترسیێ دا ژوانا ژی، کەسانێن دبن کارتێکرن و نەهامەتی و توندوتیژیا سێکسی و جێندەری و خێزانی و بازرگانیا مرۆڤان و شەری.
سەرۆکا دەزگەهی ئاشکرا ژی کر، ئەڤ چەندە دهێتە کرن ب رێیا خزمەتێن تاکەکەسی و خێزانی، ب رێیا پرۆگرامێن خولا، ب رێیا کارێ تەکنیکی دگەل حکومەتا هەرێما کوردستانێ و لایەنان بۆ پێشەبرنا یاسا و؟رێکاران وچاوانیا رێڤەبرنا وان.

Read Previous

وەزیرێ ساخلەمیێ باس ل سەرهلدانا پێلا سێێ یا کورونایێ دکەت

Read Next

هەولێر..کۆنفڕانسەک بۆ ئەلکتڕۆنی کرنا داتا و زانیاریێن ساخلەمیێ هاتە ئەنجام دان

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *