• تشرینی یه‌كه‌م 6, 2022

دگه‌ل گه‌هشتنا ئێكه‌م كاروانێ‌ ڤاكسیندانێ‌ دژی كۆرۆنایێ‌ ساخله‌میا دهۆكێ‌ كۆمبوونه‌ك ئه‌نجام دا

ب سه‌رپه‌رشتیا د.ئه‌فراسیاب موسا یونس، رێڤه‌به‌رێ‌ گشتیێ‌ ساخله‌میا پارێزگه‌ها دهۆكێ‌، لیژنا بلند یا ڤاكسیندانا دژی كۆرۆرنایێ‌ ل پارێزگه‌ها دهۆكێ‌ كۆمبوو.

د.لوما حازم، به‌رپرسا پشكا ڤاكسیندانێ‌ ل كارۆبارێن خۆپاراستنا ساخله‌میێ‌ دیاركر كو مه‌ره‌م ژ كومبوونێ‌ چاوانیا خوه‌ ئاماده‌كرنێ‌ بو وه‌رگرتن و به‌لاڤكرن و دانانا ڤاكسینێ‌ كۆرۆنایێ‌ بوویه‌، هه‌روه‌سا د كۆمبوونێ‌ دا به‌حسێ‌ چاوانیا ڕاهێنانا ستافێ‌ ڤاكسیندانێ‌ هاته‌ كرن.

دیاركر ژی دو نه‌خوشخانه‌ هاتینه‌ ده‌ستنیشانكرن بو ڤاكسیندانا ستافێ‌ ساخله‌میێ‌ و دگه‌ل گه‌هشتنا ڤاكسینێ‌ بو پارێزگه‌ها دهۆكێ‌ دێ‌ ده‌ست ب ڤاكسیندانا وان هێته‌كرن و گۆت: ل قوناغا دوێ‌ یا ڤاكسیندانێ‌ بو كه‌سێن دانعه‌مر دێ‌ هێته‌دانان و ل دهۆكێ‌ 37 بنگه‌هێن ڤاكسیندانێ‌ دێ‌ هه‌بن و ل حه‌فتیا بهێت دێ‌ ده‌ست ب ڕاهێنانا كارمه‌ندێن وان هێته‌كرن.

هه‌روه‌سا دیاركر ژی سێ‌ جورێن ڤاكسینێ‌ دژی كۆرۆنایێ‌ دێ‌ گه‌هنه‌ پارێزگه‌ها دهۆكێ‌ و رێڤه‌به‌ریا گشتی یا ساخله‌میا پارێزگه‌ها دهۆكێ‌ ئاماده‌كاری بو وه‌رگرتنا وان و چاوانیا گه‌هاندنا وان بو كه‌سێن كو پێدڤیه‌ بهێنه‌ ڤاكسیندان كرینه‌.

Read Previous

بریکارێ وەزارەتا تەندروستی سەرەدانا ساخلەمیا دهۆکێ کر

Read Next

رێڤەبەرێ گشتیێ ساخلەمیا پارێزگەها دهۆکێ: هه‌موو كارمه‌ند ونۆشدارێن ل نه‌خۆشخانه‌یێن كۆرۆنایێ کار دكه‌ن دێ ڤاكسینێ وه‌رگرن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *