راگه‌هاندنه‌ك ژ وه‌زاره‌تا ساخله‌میێ‌:

دگه‌ل هاتنا وه‌رزێ‌ گه‌رمێ‌ و سرۆشتێ‌ نه‌خۆشیێن زكچوونێ‌ و پشتی چالاككرنا پرۆگرامێ‌ په‌تازانیێ‌ و دیتنا خاله‌تان بۆ گرتنه‌به‌را رێكێن پێدڤی بۆ كونترولكرنا نه‌خۆشیێن زكچوونا دژوار ژلایێ‌ ده‌زگه‌هێن ساخله‌میێ‌ ل جهێن جودا جودا یێن هه‌رێما كوردستانێ‌ ل دووڤ پرۆگرام و پلانه‌كا دارێشتی بۆ به‌رچاڤكرنا وه‌لاتیان رادگه‌هینین كو هژمار و رێژا تووشبوونێ‌ ب نه‌خۆشیێن زكچوونێ‌ زێده‌بوویه‌ و تیمێن په‌تازانیێ‌ ل دووڤ ستانداردێن په‌تازانیێ‌ رێژا پشكنینان بۆ دیتنا حاله‌تێن كولێرایێ‌ ئه‌نجامداینه‌ و هژماره‌كا حاله‌تێن ل ته‌مه‌نێن جودا دا ل هه‌ردو پارێزگه‌هێن هه‌ولێر و سلێمانیێ‌ هاتینه‌ ده‌ستنیشانكرن پشتی ل تاقیگه‌هێ‌ هاتینه‌ پشتراستكرن، بۆ ڤێ‌ مه‌ره‌مێ‌ وه‌زاره‌تا ساخله‌میا حكومه‌تا هه‌رێما كوردستانێ‌ رێكارێن زێده‌تر و دژوارتر دگه‌ل لایه‌تێن چاندن و باژێرڤانیێ‌ و ناڤخۆ و پارێزگه‌ه و ئیدارێن سه‌ربه‌خۆ گرتینه‌ به‌ر و ساخله‌میێن پارێزگه‌هان و ئیدارێن سه‌ربه‌خۆ ب هه‌ڤكاریا رێكخراوا ساخله‌میا جیهانی، دوارێ‌ خوپارێزی و چاره‌سه‌ریێ‌ و دابینكرنا پێدڤیێن ساخله‌میێ‌.
داخازێ‌ ژ وه‌لاتیێن خوشتڤی دكه‌ین پابه‌ندی رێنمایێن پاقژیا كه‌سایه‌تی و پشتراستبوون ژ ئاڤا ڤه‌خوارنێ‌ و خوارنێ‌ بن و ل ده‌مێ‌ ده‌ركه‌فتنا نیشانێن زكچوونێ‌ ب زووترین ده‌م په‌یوه‌ندیێ‌ ب ده‌زگه‌هێن ساخله‌میێ‌ بكه‌ن ژپێخه‌مه‌ت رێگریكرنێ‌ ل ئالوزیان و پاراستنا ساخله‌میا وه‌.
وه‌زاره‌تا ساخله‌میێ‌ یا حكومه‌تا هه‌رێما كوردستانێ‌

Read Previous

ل ساخلەمیا دهۆکێ کۆمبوونەک ل دۆر کۆلێرایێ هاتە کرن

Read Next

بۆ ڕێگرتنێ ل تووشبوونێ ب زکچوون و دلرابوونێ باشترە ڤان پێنگاڤان بجهبینە:

Leave a Reply

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *