رێنما دێ هێنه‌ دانان بۆ سۆنه‌تكرن و كاركرنا كارمه‌ندێن ساخله‌میێ

رێڤه‌به‌رێ گشتى یێ ساخله‌میا پارێزگه‌ها دهۆكێ دیاركر:” ئه‌ڤرۆ 30/6/2021ێ ده‌ست ب ڤه‌كرنا خۆلێن ئاڤاكرنا شیانێن پێشكیشكه‌رێن خزمه‌تێن ساخله‌میێ ل دهۆكێ هاته‌ كرن دێ ژ نوكه‌ و پێڤه‌ رێنما هێنه‌ دانان بۆ سونه‌تكرن و كاركرنا كارمه‌ندێن ساخله‌میێ “.
د. ئه‌فراسیاب موسا، رێڤه‌به‌رێ گشتى یێ ساخله‌میا پارێزگه‌ها دهۆكێ راگه‌هاند كو:” پلانا ساخله‌میا دهۆكێ ئه‌وه‌ هه‌ر ئاریشه‌كا هه‌بیت بشێن چاره‌سه‌ربكه‌ین ب تایبه‌تى ژى ب رێیا مه‌شقدان و راهێنانا كارمه‌ند و نۆشداران بۆ وێ چه‌ندێ شیانێن وان باشتر لێ بهێن و باشتر خزمه‌ت بۆ وه‌لاتیان بهێته‌ پێشكێشكرن و چو زیان نه‌گه‌هیته‌ وه‌لاتیان، پشتى مه‌ دیتى هنده‌ك حاله‌ت رووداین نه‌خاسمه‌ ژى دناڤ كلینكێن كارمه‌ندێن ته‌ندروستى پشتى زارۆك هاتینه‌ سونه‌تكرن ئاریشه‌ بۆ زارۆكێ چێبووینه‌”.
ئاشكرا كركو: مه‌ ب فه‌ر دیت ڤێ ئاریشه‌ بله‌ز چاره‌سه‌ر بكه‌ین و پشتى گه‌نگه‌شه‌كرن دگه‌ل نه‌خۆشخانا هیڤى و نۆشدارین تایبه‌تمه‌ند یێن زارۆكان و سه‌ندیكا كارمه‌ندێن ته‌ندروستى ب پشته‌ڤانیا رێكخراوا giz مه‌ كار كریه‌ ئاریشا سۆنه‌تكرنا زارۆكان دا نه‌مینیت”.
د. ئه‌فراسیاب موسا، گۆتژى: كارمه‌ندێن ساخله‌میێ یێن خۆدان كلینیك بۆ ده‌مێ دو رۆژان دێ هێنه‌ مه‌شقدان داكو هێز وشیانێن وان باشتر بن بۆ ئه‌نجامدانا سۆنه‌تكرنا زارۆكان ب رێیێن زانستى ژ ئه‌ڤرۆ و پێڤه‌ رێك ناهێته‌ دان هه‌موو كه‌س سۆنه‌تكرنێ بكه‌ن بتنێ ئه‌و كارمه‌ندێن مۆله‌ت هه‌ین دێ شێن كاربكه‌ن و دێ رێنما هێنه‌ دانان بۆ كاركرنا وان ده‌ربارى سونه‌تكرنا زارۆكان”.
نزار سه‌عید، سه‌رۆكێ سه‌ندیكا خۆدان پێشه‌یێن ساخله‌میێ ل دهۆكێ دیاركركو بۆ كێمكرنا ئاریشه‌یێن سونه‌تكرنێ دا روودده‌ن ئه‌ڤ خولا بهێزكرنێ هاتیه‌ ڤه‌كرن داكو ز شێوه‌یه‌كێ باشتر كار بهێته‌ كرن مه‌ گه‌له‌ك رێنما داینه‌ بۆ سونه‌تكرنا زارۆكان ئه‌م دووڤچوونێ ژى دكه‌ین و ئه‌م دگه‌لداینه‌ كار بهێته‌ كرن لێ ئه‌ڤ جۆره‌ خۆلێن بهێزكرنا شیانان بۆ وان بهێنه‌ ڤه‌كرن ل سه‌ر ده‌ستێن نوشدارێن تایبه‌تمه‌ندێ یێن نشته‌رگه‌ریان و زارۆكان، چونكو زیانێن سونه‌تكرنێ د مه‌زنن و كارتێكرنێ ل سه‌ر جڤاكی دكه‌ن مه‌ دڤێت ژ نوكه‌ و پێڤه‌ باشتر كار بهێته‌ كرن و ئه‌م حه‌ز ناكه‌ین كارمه‌ندین خۆ سزابده‌ین لەورا مه‌ داخوازكربوو ئه‌ڤ خۆله‌ بهێته‌ ڤه‌كرن داكو كارمه‌ندین پشکدار كارێ سۆنه‌تكرنێ بكه‌ن ئه‌وژى پشتى باوه‌رنامه‌ بو وان دهێنه‌ دان دێ سه‌ره‌دانا هه‌موو كلینكان كه‌ین و نابیت هیچ كلینیکه‌ك سۆنه‌تكرنێ ئه‌نجام بده‌ن بتنێ ده‌رچوویێن ڤێ خۆلى دێ ب ڤی كاری رابن.

Read Previous

ل دهوکێ جاره‌كا دی هژمارا تووشبوویێن كورۆنایێ به‌ره‌ڤ زێده‌بوونێ دچیت

Read Next

کار بو پێشڤەبرن و بهێزکرنا پەرستاری و چارەسەریا سرۆشتی دهێتەکرن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *