سەرەدانا سەرۆکاتیا زانکۆیا زاخۆ هاتەکرن
شاندەکێ ساخلەمیێ ب سەرۆکاتیا د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ، و رێڤەبەرێ ساخلەمیا زاخۆ و هژمارەک سەرۆک پشکان، سەرەدانا سەرۆکاتیا زانکۆیا زاخۆ کر و ژلایێ د.نازم جخسی، سەرۆکێ زانکۆیێ هاتنە پێشوازیکرن.
شاندێ ناڤبری پیروزباهی ل دەست ب کاربوونا سەرۆکێ زانکۆیێ کرن و هیڤیا سەرکەفتنێ د کارێ وی یێ نوی دا خواست، و د روونشتنەکێ دا بەحسێ دەستپێکرنا دەوامێ ل زانکۆیێ و ڤاکسیندانا قوتابی و ماموستایان هاتەکرن داکو دەوام ب شێوەیەکێ ئاسایی دەستپێ بکەت.
هەروەسا گەنگەشە ل دۆر کولیژا پزیشکی یا زاخۆ و ماموستایێن سەر ب خواندنا بلند و چاوانیا کارکرنا وان ل کەرتێ ساخلەمیێ هاتەکرن و دیارکرن کو پێدڤی یە هەڤکاریەکا باش د ڤی واری دا هەبیت.
