رێڤەبەرێ ساخلەمیا ئاکرێ هاتە گۆهورین

 

ب ئامادەبوونا مازن محمد سعید، قایمقامێ قەزا ئاکرێ و صباح بیت اللە، بەرپرسێ لقێ نەهـ یێ پارتی دیموکراتی کوردستان ل ئاکرێ، دگەل د.ئەفراسیاب موسا، رێڤەبەرێ گشتیێ ساخلەمیا دهۆکێ، ئەڤرۆ 25/7/2022 د.سەروار مسلح مستەفا، وەکو رێڤەبەرێ ساخلەمیا ئاکرێ هاتەدانان.
مازن محمدسعید، قایمقامێ قەزا ئاکرێ سۆپاسیا د.سالح کڕ ل دۆر رولێ وی د قۆناغا دەربازبووی دا کو شیایە ئەرکێن ل سەر مللێن خوە ب دروستی بجهبینیت و قوناغێن سەخت بێی هەبوونا ڤالاهیێ دەربازکرین و داخازکر هەڤکاریەکا باش دگەل رێڤەبەرێ نوو هەبیت ژپێخەمەت بجهئینانا ئەرکێن خوە.
د.ئەفراسیاب موسا رێڤەبەرێ گشتیێ ساخلەمیا دهۆکێ دیارکر کو خزمەتێن ساخلەمیێ ل ئاکرێ رۆژ بۆ رۆژێ یێ بەرفرەـ دبن ب تایبەت دوارێ تەنگاڤییان دا و کار بۆ پێشڤەبرنا وان دهێتەکرن و دیارکر سۆپاسیا رێڤەبەرێ بەرێ کر کو دشیای ددەمێ بووری دا گەلەک کارێن باش بکەت و پشتی داخازا ڤەگوهاستنێ کری کو ل جهەکێ دی خزمەتێ بکەت، لەورا وان بڕیاردا کو د.سەروار مسلح، وەکو رێڤەبەرێ نوی بهێتە دانان و هیڤیا سەرکەفتنێ بۆ خواست.
سەباح بیت الله، بەرپرسێ لقێ نەهێ پارتی دیارکر کو سەرەرای گەلەک فشار ل سەر ساخلەمییا ئاکرێ هەبوویە، بەلێ شیاینە ب شێوەیەکێ باش برێڤەببەن و گۆت: ل هەر دەمەکی ئەم دێ پشتەڤانێن کەرتێ ساخلەمیێ بین،چونکو گرێدای ژیانا رۆژانە یا خەلکی یە.
د. سالح مستەفا،رێڤەبەرێ بەرێ یێ ساخلەمیا ئاکرێ، دیارکر هەموو کارمەند و فەرمانبەر گەلەک پشتەڤان بووینە و پێکڤە شیاینە کارەکێ باش بکەن و خواست ئەو هەڤکاری یا بەردەوام بیت.
د.سروار مسلح مستەفا، رێڤەبەرێ نوو دیارکر کو خەلکێ ئاکرێ پتر پێدڤی ب خزمەتێن ساخلەمیێ هەیە و خواست پتر هاریکاری و هەڤکاری و پشتەڤانی هەبیت داکو بشێن هەموو پێدڤییان دابین بکەن.

Read Previous

پێشوازی ل پەرلەمانتارەکی هاتەکرن

Read Next

سەرەدانا قایمقامیا بەردەڕەش هاتەکرن

Leave a Reply

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *