رێڤەبەرێ گشتیێ ساخلەمیا دهوکێ هایداری رەوشا ساخلەمیا شێخان بوو

ژبو ئاگەهدار بوون ژ رەوشا کەرتێ ساخلەمیا قەزا شێخان ئەڤرۆ چار شەمبی 9 ـێ 6ـێ 2021 ێ رێڤەبەرێ گشتیێ ساخلەمیا دهوکێ سەرەدانا کەرتێ ساخلەمیێ و نەخۆشخانا گشتی دا.
د هەڤدیتنێ دا “د.کەریم کەمال”، رێڤەبەرێ کەرتێ ساخلەمیێ ل شێخان، بەحس لسەر کار و خزمەتێن دهێنە پێشکێش کرن ل بنگەهـ و نەخۆشخانیێن ساخلەمیێ کر، پاشان بەحس لسەر وێ بارگرانیا لسەر کەرتێ ساخلەمیێ کر کو 25 بنگەهێن ساخلەمیێ ل شێخان هەنە خزمەتێ پێشکێش دکەن.
گوت ژی، مخابنی ڤە هاریکاری وەک پێدڤی ژلایێ پارێزگەها موسل ڤە ناهێنە دابین کرن بۆ ساخلەمیا شێخان و ئەگەر ب هاریکاریا رێڤەبەریا گشتی یا ساخلەمیا دهوکێ نەبیت دێ رەوشا ساخلەمیێ گەلەک خراپ بیت.
ژلایەکێ دی ڤە رێڤەبەرێ گشتی ساخلەمیا دهوکێ سەرەدانا نەخۆشخانا گشتی یا قەزا شێخان دا و ژلایێ “د.نەغم نوزت حەسەن”، رێڤەبەرا نەخۆشخانێ ڤە پێشوازی لێ هاتە کرن، بەحس لسەر رەوشا نەخۆشخانێ هاتە کرن و پاشان سەردانەکا مەیدانی کر دناڤا نەخۆشخانێ دا ژ نێزیک هایداری کار و خزمەتێن نەخۆشخانێ بوو.
د.ئەفراسیاپ موسا، رێڤەبەرێ گشتیێ ساخلەمیا دهوکێ دیار کر: ساخلەمیا دهوکێ بەردەوام هاریکار و پشتەڤان بوویە بۆ قەزا ناڤبری نها ژی هەر کارەک و خزمەتەک د چارچوڤێ یاسایی دا بیت دێ هێتە کرن و هیڤیا سەرکەفتنێ بۆ نوشدار و کارمەندێن ساخلەمیێ خواست

Read Previous

رێڤەبەرێ گشتیێ ساخلەمیا دهوکێ سەرەدانا قائیمقامیا قەزا شێخان کر

Read Next

میرێ ئێزدیان ل جیهانێ پێشوازی ل رێڤەبەرێ گشتیێ ساخلەمیا دهوکێ کر

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *