د. ئهحمهد زویتن، نوونهرێ رێكخراوا ساخلهمیا جیهان ل عیراقێ سهرهدانا چهند دهزگههێن ساخلهمیێ ل پارێزگهها دهۆكێ كر و دیاركر ساخلهمیا دهۆكێ چو خهمساری د كارێ خوه دا نهكرینه و ئهو ههڤپشكێن سهرهكینه د پهیداكرنا پێدڤییان دا بو كهرتێ ساخلهمیێ و گۆت: ههبوونا گهلهك ئاواره و پهنابهران ل دهۆكێ كارتێكرن ل سیستهمێ ساخلهمیێ كریه و پێدڤیه رێكخراوێن دیتر ژی ههڤپشكێن ڤی سیستهمی بن.
د.ئهحمهد زویتن، نوونهرێ ساخلهمیا جیهانی ل عیراقیَ دهربارهی پهژیا كۆرۆنایێ دیاركر كو راسته ل دهۆكێ ههتا رادهیهكی یا كونترول كریه، بهلێ دهربارهی عیراقێ ههموویێ یا د بلندبوونێ دا و پێدڤیه دهست ب بجهئینانا رێكارێن خوپاراستنێ بهێته كرن و گۆت: پێلهكا دی یا كۆرۆنایێ د رێ دایه و ل سهر دهۆكێ ژی پێدڤیه خوه ئامادهبكهن، چونكو ههكه وهكو پارێزگههێن دی یێن عیراقێ پهیدابوو، دێ هژمارا تووشبوویان زێدهبیت و ئهم وهكو رێكخراوا ساخلهمیا جیهانی د ئامادهینه دهست ب دهست دگهل رێڤهبهریا گشتی یا ساخلهمیا پارێزگهها دهۆكێ كاربكهین بو بهرهنگاریا كۆرۆنایێ.
د. ئهفراسیاب موسا یونس، رێڤهبهرێ گشتیێ ساخلهمیا پارێزگهها دهۆكێ دیاركركو:” مهرهما هاتنا شاندێ رێكخراوا ساخلهمیا جیهانێ بۆ دیتنا رهوشا ساخلهمیێ و پێشكێشكرنا خزمهتێن ساخلهمیێ بوویه و گۆت: رێكخراوا ساخلهمیا جیهانی ئێكه ژوان رێكخراوان یێن ههڤكاریێ وپشتهڤانیا ساخلهمیا دهۆكێ دكهت بۆ پێشكێشكرنا خزمهتێن ساخلهمیێ بۆ خهلكێ دهۆكێ و ئاواره و پهنابهرێن ل دهۆكێ دژین”.
رێڤهبهرێ گشتیێ ساخلهمیا پارێزگهها دهۆكێ دیاركر ژی شاندێ رێكخراوا ساخلهمیا جیهانی سهرهدانا نهخۆشخانا هیڤی یا زارۆیان و سهنتهرێ چارهسهریا سرۆشتی و ڤهشیاندنا نۆشداری ل كومهلگهها تهناهی و چهند بنگههێن ساخلهمیێ ل ناڤ كهمپان دا و ژ نێزیك ل دور رهوشا ساخلهمیێ ئاگههداربوون و دێ ل سهر پشتهڤانیكرنا ساخلهمیا دهۆكێ یا بهردهوام بیت و مه بهرنامێن ههڤپشك ههنه كو خزمهتێن ساخلهمیێ د ئاستهكێ ههرهباش دا بگههنه وهلاتیان.
