وەزیرێ ساخلەمیا هەرێمێ:
هوشداری ژ هاتنا شەپولا سێی کۆرۆنایێ ددەت
وەزیرێ ساخلەمیا حکومەتا هەرێما کوردستانێ هۆشداری ژ هاتنا شەپۆلا سێی یا کۆرۆنایێ کر و گوت ژی، ژ ئەگەرێ گومان و ئەگەرەکێمەترسی دێ دەزگەهێن راگەهاندنێ و هاولاتییان ئاگەهدار کەین.
ئەڤڕۆ شەمبی 26-06-2021 دکتور.سامان بەرزنجی، وەزیرێ ساخلەمیێ حکومەتا هەرێما کوردستانێ د رۆژا جیهانی بەرەنگاربووناماددەیێن هۆشبەر د پرێس کونفرانسەکێ دا راگەهاند، “ئالوودەبوون نەخۆشییە و دیاردەیەکا مەترسیەیا جڤاکی یە“، گوتژی “یاسایابەرەنگاربوونا ماددەیێن هۆشبەر ل هەرێما کوردستانێ پەسندکریە، ل گورەیی یاسایی، ئەوێن بازرگانی ب ماددەیێن هۆشبەر دکەن دهێنەجودا کرن یێن ئالودەبووین و ب نەخۆش دهێنە هژمارتن.”
سەبارەت ب رەوشا کۆرۆنایێ و ئەگەرێ هاتنا شەپۆلا سێی کۆرۆنا، وەزیرێ ساخلەمیێ حکومەتا هەرێما کوردستانێ راگەهاند، “ئەم ب دووشەپۆلادا دەربازبووینە، دگەل وێ چەندێ هۆشداری دەدەینە هەموو لایەکێ کۆرۆنا د جیهانێ دا خلاس نەبوویە.
دکتۆر سامان بەرزنجی گوت ژی: “ئەوا ل عێراقێ دا دبینین چەند رۆژەکە ژلایێ وەزارەتا ساخلەمیا عێراقێ ئەو هۆشداری دایە، گومان هەیەیان ئەگەرەک هەیە کو شەپۆلا سێی بیت، ئەم ژی دێ چاڤدێریا رەوشێ کەین و وەکو وەزارەتا ساخلەمیێ راپۆرتا هەفتیێ هەیە، ل هەر گومانو ئەگەرەکێ مەترسی بێ دوو دلی دام ودەزگەهێن راگەهاندنێ و هاووڵاتیان لێ ئاگاهدار کەین.”
وەزیرێ ساخلەمیێ گوت، “هەمی ئامادەکاری دهێنە کرن بۆ هەر پێشهات و شەپولەکێ لەورا هاووڵاتی پێدڤیە پێگیر بن ب دانانا ماسک ودوورکەفتن ژ ئێک چووناجهێن قەرەباڵخ، ئەڤە گرنگترین رێکارن دگەڵ بەردەوامبوون پرۆسەیا پێدانا ڤاکسینێ.”
هەڤدەم سەیف بەدر، گوتەبێژێ وەزارەتا ساخلەمیا و ژینگەها عێراقێ، ئەڤڕۆ، ب راگەهاندنا فەرمیا عێراقێ راگەهاند؛ عێراق دووچاریشەپۆلا سێی کۆرۆنایێ بوویە؛ ئەڤ شەپۆلە ژی ل شەپۆلا ئێکەم و دووێ مەترسیدارترە؛ لەورا پێدڤیە خەڵک پێگیر بن دانانا ماسک ودوورکەفتنا جڤاکی و رێکارێن خوپارێزیێ دگەل وەرگرتنا ڤاکسینا کۆرۆنایێ بۆ وپاراستن ژ تووشبوون ب کۆرۆنایێ.
