پارێزگارێ دهۆكێ نه‌خوشخانا شریان یا كه‌رتێ تایبه‌ت ل سه‌نته‌رێ باژێرێ دهۆكێ ڤه‌كر
ئه‌ڤرو ئێڤارى رۆژا دووشه‌مبى 11ی كانوونا ئێكێ 2023 ێ به‌رێز “د.عه‌لى ته‌ته‌ر” پارێزگارێ دهۆكێ ب ئاماده‌بونا “ماجد سه‌ید سالح “جێگرێ پارێزگارى و ده‌ڤه‌ردارێ دهۆكێ و رێڤه‌به‌رێ گشتى یێ ساخله‌میێ ”د. ئەفراسیاب موسا یونس ”وچه‌ند وه‌به‌رهێنه‌ر ونوشداران نه‌خوشخانا شریان یا كه‌رتێ تایبه‌ت ل رۆژ ئاڤایێ باژێرێ دهۆكێ ڤه‌كرن.
پارێزگارێ دهۆكێ گه‌ریانه‌ك دناڤ نه‌خوشخانێدا كر و ژنێزیك سه‌حكره رێك وپێكیا وێ بو خزمه‌تكرنا نه‌ساخا وپیروزباهى ل خودانێن نه‌خوشخانا كر وته‌كه‌زى ل سه‌ر رولێ كه‌رتێ تایبه‌ت یێ ساخله‌میێ مل بملێ كه‌رتێ گشتى یێ ساخله‌میێ یێ حكومه‌تا هه‌رێمێ خزمه‌تگوزاریێن ته‌ندورستى یێن پێشكه‌فتى وببهایێن گونجاى پێشكێشى هاولاتیان بكه‌ن بو وێ یه‌كێ خه‌لكێ مه قه‌ستا ده‌رڤه‌ى وه‌لاتى نه‌كه‌ن.
