• كانونی یه‌كه‌م 3, 2022

کار دهێتەکرن ساخلەمیا زاخۆ ببیتە رێڤەبەریا گشتی

د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ و ب هەڤالینیا رێڤەبەرێ ساخلەمیا زاخۆ و هژمارەک سەرۆک پشک و رێڤەبەرێن نەخۆشخانا ل زاخۆ، سەرەدانا قایمقامیا زاخۆ کرن و ژلایێ مشیر محەمەد بەشیر، قایمقامێ زاخۆ هاتن پێشوازیکرن.
هەروەسا سەرەدانا لقێ هەشتێ پارتی کرن و ژلایێ عەلی عەونی، بەرپرسێ لقێ هاتن پێشوازیکرن.
د دو روونشتنێن ژێکجودا دا بەحسێ گشتیکرنا رێڤەبەریا ساخلەمیا زاخۆ هاتەکرن، ب تایبەت پشتی بڕیارا ئەنجومەنێ وەزیران کو زاخۆ ببیتە ئیدارەکا سەربەخۆ و دیارکرن کو پێدڤیە هەموو کار و ئاسانکاری بهێنەکرن ساخلەمیا زاخۆ ببیتە رێڤەبەریا گشتی.
دیسان دانوستاندن ل دۆر ستافێ ساخلەمیێ ژ نۆشدار و کارمەندێن ساخلەمیێ و کارگێری ل زاخۆ و کێماسیێن وان و رەوشا نەخۆشخانە و بنگەهێن ساخلەمیێ و چاوانیا پێشڤەبرنا وان هاتەکرن.
د.ئەفراسیاب موسا، رێڤەبەرێ گشتیێ ساخلەمیا دهۆکێ دیارکر زاخۆ ژلایێ ساخلەمیێ و هەبوونا سێ نەخۆشخانا و 18 بنگەهێن ساخلەمیێ یا ئامادەیە ببیتە رێڤەبەریا گشتی و نوکە ئەو دێ کارکەن بو دابینکرنا پێدڤیێن وان ژ دەرمانان و کارمەندان و پێداویستیێن ساخلەمیێ و دیسان ڤەکرنا خولێن ژێکجودا د وارێن پلاندانان و کارگێری و خۆپاراستنێ بو هندێ ل دەمەک نێزیک وەکو رێڤەبەریا گشتی سەرەدەری دگەل بهێتە کرن.

Read Previous

رێڤه‌برێ گشتی سه‌ره‌دانا زانكویا زاكو كر

Read Next

رێڤەبەرێ گشتیێ ساخلەمیا دهۆکێ دگەل ساخلەمیا زاخۆ کۆمبوو

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *