• كانونی یه‌كه‌م 3, 2022

کۆمبوونەک ل دۆر کۆرۆنایێ هاتەکرن

ب سەرپەرشتیا د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ و ب ئامادەبوونا هژمارەک رێڤەبەر و سەرۆک پشکێن پەیوەندیدار، کۆمبوونەک ل نەخۆشخانا ئازادی ل دۆر کۆرۆنایێ هاتەکرن.
د کۆمبوونێ دا چاوانیا خوە ئامادەکرن بو بەرهنگاریا پێلا سیێ یا کۆرۆنایێ و دیسا دابینکڕنا دەرمان و پشکنینان و پێدڤیێن نۆشداری بو نەخۆشخانێن تایـبەتمەند ب چارەسەریا کۆرۆنایێ هاتەکرن.
هەروەسا ژبەر زێدەبوونا هژمارا نەخۆشان، بڕیار هاتەدان تیمێن نۆشداری یێن بەرفرەهتر دناڤ نەخۆشخانان دا بهێنە پێک ئینان بو چاڤدێری و چارەسەریا نەخۆشان ل پشکێن شیرەتکاری و تەنگاڤییان و چارەسەریا چڕ دا.
ل ڤان رۆژێن دووماهیێ هژمارا تووشبوویێن نەخۆشێن کۆرۆنایێ ل هەرێما کوردستانێ و پارێزگەها دهۆکێ و نڤاندنا وان ل نەخۆشخانان ب شێوەیەکێ بەرچاڤ زێدەبوویە و بوویە ئەگەرێ وێ چەندێ هژمارەکا نەخۆشان رەوشا وان دژوارببیت، لەورا دەزگەهێن ساخلەمیێ دەست ب پلانێن نوی کریە بو خزمەتکرنا نەخۆشان.

Read Previous

رێڤەبەرێ گشتیێ ساخلەمیێ سەرەدانا نەخۆشخانێن زاخۆ کر

Read Next

ل ڤان بنگەهان پشکنینێن کۆرۆنایێ بێ بەرامبەر دهێنەکرن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *