د.ئەفراسیاب موسا، رێڤەبەرێ گشتیێ ساخلەمیا دهۆکێ، پێشوازی ل شاندەکێ پەرلەمانێ کوردستانێ کو پێکهاتبوو ژ خاتوون رۆژان و هەدیاخان ب هەڤالینیا قاسم عەزیز سەرۆکێ رێکخراوا ژیان یا ساخلەمیێ کر.
د کومبوونەکێ دا بەحسێ چاوانیا پێشڤەبرنا خزمەتێن ساخلەمیا دەروونی یا ژنان ل کەمپێن ئاوارە و پەنابەران ل سنورێ پارێزگەها دهۆکێ هاتە کرن و نامەکا لێکگەهشتنێ و پشتەڤانیێ دناڤبەرا هەردو لایان دا هاتە ئیمزاکرن.
د.ئەفراسیاب موسا دیارکر رێڤەبەریا گشتی یا ساخلەمیا پارێزگەها دهۆکێ ژ پێخەمەت پێشڤەبرنا خزمەتێن ساخلەمیا ژنان د وارێ چارەسەریێ دا و دیسان بهێزکرنا شیانێن ستافێن ل وان نەخۆشخانان کاردکەن، بەردەوام پشتەڤان بوویە و ئیمزاکرنا نامەیا لێکگەهشتنێ ژی دێ پێنگاڤەکا باش بیت کو خزمەتێن ناڤهاتی ل کەمپێن ئاوارە و پەنابەران ژی بهێنە بەرفڕەهکرن.
