ب هه‌لكه‌فتا ریفراندۆما کوردستانێ مەزنترین هه‌وا خوینبه‌خشینێ هاته‌کرن
ب هه‌لكه‌فتا ریفراندۆما سه‌ربه‌خۆیا كوردستانێ ئه‌ڤرۆ 26/9/2023ێ کادر و رێکخستیێن لقێ ئێک یێ پارتی، هه‌وه‌كا مه‌زن یا خوینبه‌خشینێ هاته ئەنجامدان.
د. ئه‌فراسیاب موسا، رێڤه‌به‌رێ گشتى یێ ساخله‌میا پارێزگه‌ها دهۆكێ راگه‌هاند، ساخله‌میا دهۆكێ به‌رده‌وام پێدڤى ب هه‌می جورێن خوینێ بۆ نه‌خۆشان هه‌یه ئه‌ڤرۆ هه‌وه‌كا خوینبه‌خشینێ ب پشته‌ڤانیا لقێ ئێك یێ پارتى دیموكراتى كوردستان هاته ئه‌نجامدان و هژماره‌كا مه‌زن كادرێن پارتى پشکداربووینه و گۆت: خوینا وان بۆ نه‌خۆشێن پێدڤی ب نشته‌گه‌ریان و حالەتێن ته‌نگاڤیان و نەخۆشێن تالاسیمیا وچه‌ند نه‌خۆشێن دی دێ هێته‌دان”.
به‌هجه‌ت ئاڤدەل ، به‌رپرسێ پشکا رێكخراوێن جه‌ماوه‌رى و پێشه‌ی یێ لقێ ئێك یێ پارتى دیاركر، ب هه‌لكه‌فتا شه‌ش سالیا رێفراندۆمێ ئه‌ڤرۆ هه‌می كادرێن پارتى پشکداری هه‌وه‌كا مه‌زن یا خوینبه‌خشینێ كرن و گۆت: ریفراندۆمێ بۆ هه‌می دوژمن و نه‌یاران دیاركر كو خه‌لكێ كوردستانێ ئازادى و سه‌ربه‌خۆی دڤێت، ئه‌ڤرۆ مه ڤیا بسه‌لمینین دێ ب خوینا خو به‌رده‌وام به‌ره‌ڤانیێ ژ ئاخ وخه‌لكێ خۆ كه‌ین “.
