ئەڤرو سێ شەمبی رێکەفتی 29 ـێ خزیرانا 2021 ـێ ب سەرپەرشتیا سەرۆکێ پشکا ئەندازیاری ل رێڤەبەریا گشتییا ساخلەمیا پارێزگەها دهوکێ کومبوونەک دگەل ئەندازیارێ سەرپەرشت و تیمێ کاری یێ ئاڤاکرنا نەخۆشخانا 100 تەختی یا شێلادزێ هاتە ئەنجام دان.
ئەندازیار. فوئاد حەسەن، سەرۆکێ پشکا ئەندازیاریدیار کر، د کومبوونێ دا بەحس لسەر چاوانیا رێڤەچوونا کاری لسەر پرۆژێ نەخۆشخانا ناڤری هاتە کرن، کا پرۆژە هەتا چ رادە بجهـ هاتیە، کو ل هەیڤا نەها سالا 2020 ێ کار لسەر پرۆژەی دهێتە کرن و هەتا نوکە یێ بەردەوامە نێزیکی 13 بۆ 15% ـێ یا پرۆژەی دوماهیک هاتیە.
گوت ژی: ئەڤ پرۆژە ب کۆژمێ 43 ملیون دولاران ژلایێ حکومەتا هەرێما کوردستانێ بۆ هاتیە تەرخان کرن، کو ژلایێ هەر دوو کومپانیایێن ( VINs ، Kurk ) دهێتە بجهـ ئینان.
ل دەمێ دانانا بەرێ بنیاتی ل رێکەفتی6/9/2020 د.سامان بەرزنجی وەزیرێ ساخلەمیا ھەرێما کوردستانێ راگەھاند بووکو ماوێ پروژەی ٩٠٠ روژن ب ئاڤاکرنا ڤێ نەخوشخانێ دێ فشار لسەر نەخوشخانەیێن سەنتەرێ پارێزگەھا دھوک کێم بن ژبەر کو دێ نەخوشخانەکا گشتی بیت و ھەمی پێتڤیێن ساخلەمیێ لێ ھەبن.
دھێتە زانین کو پروژەیێ ئاڤاکرنا نەخوشخانەیا ١٠٠ تەختی ل کومەلگەھا ھێتیت ل سالا ٢٠١٣ بەرێ بنیاتی بو ھاتبو دانان لێ ژبەر قەیرانا دارایی و شەرێ داعش کار تێدا هات بوو راگرتن و ئەڤە بۆ دەمێ چەند هەیڤایە کار لسەر دهێتە کرن.
