دەمژمێر 2:30 یێ سپێدەهیا ئەڤرۆ، د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ ل کوگەهێن سەرەکی یێن ساخلەمیێ ئامادەبوو بو وەرگرتنا بەهرا دهۆکێ یا ڤاکسینێ کۆرۆنایێ.
د.ئەفراسیاب موسا کو پێنگاڤ پێنگاڤ سەرپەڕشتیا هاتنا ڤاکسینێ دژی کۆرنایێ دکر، دیارکر، 11500 قورچێن ڤاکسینێ AstraZeneca گەهشتنە پارێزگەها دهۆکێ و ساخلەمیا دهۆکێ هەموو ئامادەکاری کرینە کو ڤاکسین قۆناغ قۆناغ بهێنە دانان و گۆت: ل قۆناغا ئێکێ هژمارەکا نۆشدار و کارمەندێن ساخلەمیێ هاتنە ڤاکسیندان و سوباهی ژی دێ گەرەکا دیتر ڤاکسینان وەرگرن و پاش هێزێن ئێمناهیێ و کەسێن دانعەمر دێ وەرگرن کو نوکە ب رێکا سیستەمەکێ ئەلکترونی دهێنە تومارکرن.
رێڤەبەرێ گشتیێ ساخلەمیا پارێزگەها دهۆکێ خواست هەموو هاولاتی خوە د سیستەمێ ئەلکترونی دا توماربکەن داکو ژڤاکسینان بێ بەهر نەبن.
