ئەڤرۆ 11/1/2021، د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ دگەل سەلیم ئاکرەی، رێکخەرێ رێکخراوا UNFPA ل دهۆکێ کۆمبوو.
د کۆمبوونێ دا رێکخەرێ رێکخراوێ دیارکر کو UNFPA پلانەکا پێنج سالی بو پێشڤەبرنا خزمەتێن ساخلەمیێ د وارێن دایک و زارۆکان و دەروونی دا، ب تایبەت دناڤ کەمپێن ئاوارە و پەنابەران هەیە و دێ بەردەوام بیت بو پێشڤەبرنا پروگرامێن خوە دناڤ بنگەهـ و دەزگەهێن ساخلەمیا دهۆکێ دا.
د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ دیارکر وەکو ساخلەمی دێ هەماهەنگیەکا باش هەبیت، ژ پێخەمەت بەرفرەهکرنا خزمەتکرنا نەخۆشێن ئاوارە و پەنابەران دناف کەمپان دا، ب تایبەت د پشتەڤانیکرنا خزمەتێن دەروونی بو کچ و ژنێن توندوتیژی دگەل دهێتەکرن و دیسان د وارێن پشتگیریا خزمەتێن هولێن زارۆبوونێ و ڕاهێنانا کارمەندان دا.
رێڤەبەرێ گشتیێ ساخلەمیا پارێزگەها دهۆکێ سۆپاسیا رێکخراوا ناڤبری کر بو پشتەڤانیا وان یا بەردەوام.
