حکومەتا هەرێما کوردستانێ بڕیار دایە هەیڤانە ملیارەك و 600 ملیۆن دیناران بۆ نەخۆشخانەیێن تایبەت ب چارەسەرکرنا تووشبوویێن پەنجەشێرێ و ملیارەك و 27 ملیۆن و 600 هزار دینار هەیڤانە لجهێ (بدل عیادە) خەرج بکەت. ل دیف نڤیسارا ژمارە 7291 کو رۆژا ئێک شەمبی 20 ـێ حوزەیرانا 2021 ـێ ب ئیمزایا دکتۆر ئومێد سەباح، سەرۆکێ دیوانا ئەنجوومەنێ وەزیران دەرچوویە و ئاراستەیی وەزارەتا دارایی و ئابووری کریە، هوردەکاری رەزامەندیا خەرج کرنا پارەیی بۆ نەخۆشخانەیێن نانەکەلی، رزگاری ل هەولێر، هیوا ل سلێمانی و ئازادی ل دهۆك. لسەر فەرمانا سەرۆکێ حکومەتا هەرێما کوردستان مەسرور بارزانی ، بڕیار دا هەیڤانە کوژمێ ملیارەک و 600 ملیۆن دینار، بۆ نەخۆشخانێن تایبەت ب چارەسەرکرنا تووشبوویێن پەنجەشێرێ ل هەرێما کوردستانێ خەرج بکەت، بۆ کڕینا دەرمان و دابینکرنا ئامێر و تاقیگە و پێدڤیێن دی یێن نۆشداری. پشتی بەشەک ژ فەرمانبەر و نوشدارێن نەخۆشخانا هیوا ل سلێمانیێ نەچون سەر کارێ خوە ژبەر کو بۆ دەما شەش هەیڤان موچەیێ وان نەهاتبوو دان، دگەل وێ چەندێ کو کارڤەدانێن خەلکی لسەر گرتن و تایبەتی کرنا نەخۆشخانا ناڤبری هەبوون، ل رێکەفتی 19 ـێ حوزەیرانا 2021 ـێ مەسرور بارزانی سەرۆکێ حکومەتا هەرێما کوردستانێ پشتەڤانیا خوە بۆ دابینکرنا هەموو پێدڤیێن نەخۆشخانا هیوا یا تایبەت ب نەخۆشیێن پەنجەشێرێ دیار کر، ئاشکرا کریە کو نابیت هیچ رەنگەکێ کێمتر خەمیەك بهێتە کرن ژبۆ چارەسەربویێن پەنجەشێرێ، پاشان ب فەرمانا سەرۆکێ حکومەتێ ملیارەک و600 ملیون دینار بهێنە مەزاختن بۆ هەموو نەخۆشخانەیێن چارەسەریا پەنجەشێرێ ل کوردستانێ.
