نوشدارێن پارێزگەھێ پتر لسەر جورێ نوو یێ ڤاکسینێ دھێنە ھایدارکرن

لدووڤ پلانا جیھانی بۆ ڤەگوھاستنا جورێ ڤاکسینا سێ ریشەیی بۆ دوو ریشەیی، نوشدارێن تایبەتمەندێن زارۆکا پتر لسەر دھێنە ھایدارکرن.
لپەی ڤی بەرنامەیی سیمنارەک بۆ ھەموو نوشدارێن زارۆیان لسەر جورێ نوو یێ ڤاکسینێ ل نەخوشخانا ھیڤی یا زارۆکان ھاتنە سازکرن، لدور ڤێ یەکێ د. بەختیار ئەحمەد رێڤەبەرێ کاروبارێن خوپاراستنا ساخلەمیێ دیارکر، ل ٣٠ نیسانێ لسەرانسەری جیھانێ پلانا ڤەگوھاستنا ڤاکسینێ ژ جورێ سێ ریشەیی بۆ دوو ریشەی دەستپێکریە و ل پارێزگەھا دھۆکێ ژی بەرھەڤیێن باش بۆ ئەنجامدانا ڤی کاری ھاتینە کرن.
ھەروەسا گۆت: نھا ل ھەموو بنگەھێن ساخلەمیێ ل پارێزگەھا دھۆکێ ئەڤ جورێ نوو یێ ڤاکسینێ بۆ زارۆکان دھێتە دان، کو پێشتر ھەموو کەرتێن ساخلەمیێ ل پارێزگەھێ پشکداری خۆلا بوینە بۆ ھندێ پتر شارەزا ببن لسەر جورێ نوو یێ ڤاکسینێ.