د سالا بوری دا ٢١٥ تەنین کەرەستێن خۆارنی و ڤەخۆارنی ھاتێنە ژناڤبرن

دپرێس کونفرانسەکێ دا ٣٠/١/٢٠١٧ رێڤەبەریا گشتیی ساخلەمیا دھۆکێ ئامارێن سالا بۆری راگەھاندن ٥٧٧٣٨ زارۆک ژ دایک بووینە ویێن ھاتینە تومارکرن د ھەمان سالێ دا ل نڤیسینگەھێن ژ دایک بوونێ و مرنێ ژ بلی ئاواران و رێژا ژ دایک بوونێ بۆ ھەر ھزار کەسان ٣٩.٣٥% یە و ٥٨٠٠ وەلاتیان سالا بۆری گیانی خوە ژدەستداینە یێن ھاتینە تومارکرن.
محمد سالح، رێڤەبەرێ کاروبارێن تەکنیکێ ل رێڤەبەریا گشتیی ساخلەمیێ پارێزگەھا دھۆکێ دپرێس کونفرانسەکێ دا دیارکر سەنتەری ١٢٢ ل پارێزگەھا دھۆکێ ١١٤٦٢٧ کەس چارەسەرکرینە و ٧١٠٢٢٨ نشتەگەریێن ھەمە جۆر بۆ وەلاتیان یێن ھاتینە ئەنجامدان ل دەزگەھێن ساخلەمیێ ٢٩٩ نشتەگەریێن دلێ ھاتینە کرن دگەل ١٤٨١ قەستەرێن دلێ”.
خۆیا ژی کر ل پارێزگەھا دھۆکێ ١٣٥٣ حالەتێن نەخۆشیا تالاسیمیا ھاتینە تومارکرن و ١١١٧ کەسین خوجھی دھۆکێ تووشی نەخۆشیا تالاسیمیا بووینە و چارەسەریا دەروونی بۆ ٢٣٨١ کەسان ھاتینە کرن ل پارێزگەھا دھۆکێ ٨٦ کەس تووشی نەخۆشیا ئوتێزمێ بووینە ل نەخۆشخانێن دھۆکێ ٢٠٩٠٣٦ وەلاتی ھاتینە نڤاندن و ٤٦١٧٧١٠ وەلاتیان سەرەدانا دەزگەھێن ساخلەمیێ کرینە.
رێڤەبەرێ کاروبارێن تەکنیکێ ل رێڤەبەریا گشتیی ساخلەمیێ پارێزگەھا دھۆکێ دیارکر ١٣ نەخۆشخانێن میری ھەنە ١٩٥٨ تەخت ل نەخۆشخانان ھەنە١٤٣ بنگەھێن چاڤدیریا سالەمیا دەستپێکی و نوشداریا خێزانی ھەنە و ٢٠ بنگەھین ساخلەمیی ل کەمپین ئاواران نە و ساخلەمیا دھۆکی ٨١١٨ فەرمانبەر ونوشدار ھەنە ژوانا ژی ٩٣٥ نوشدارن.
د. سیروان رێڤەبەرێ کاروبارین خوەپاراستنا ساخلەمیێ ل رێڤەبەریا گشتیی ساخلەمیا دھۆکێ دیارکر سالا بۆری ٥٩٠٨٢ سەرەدان یێن ھاتینە کرن ٢١٢٩ جە یێن ھاتینە ئاگەھدارکرن و٣٠١ جە یێن ھاتینە گرتن ٢١٥ تەنین کەرەستێن خۆارنی و ڤەخۆارنی ھاتێنە ژناڤبرن و ل خالا سنۆری ئیبراھیم خەلیل ٤١٨٩ تەن ھاتینە زڤراندن بۆ جھی ژێھاتین چونکو دووڤ سالوخەتین عێراقی نەبووینە و ل خالا سنۆری ئالوکا ژی ١٠٤ تەن ھاتینە زڤراندن.
د. سیروان گۆت: ل پارێزگەھا دھۆکی ١٨٣ کەس تووشی نەخۆشیا ئێشا زراڤ بووینە و ٣ وەلاتی تووشی ئیشا سورکا بووینە سالا بۆری و چوو کەس تووشی نەخۆشیا ڤالنجا زارۆکان نەبووینە و ٩٤% زارۆک ھاتینە ڤاکسیندان دژی ئیشا زراڤ .