بنگەھێ ساخلەمیێ ل کەمپا ماملیان ھاتە ڤەکرن

رێڤەبەری گشتیی ساخلەمیی ل پارێزگەھا دھۆکێ دیارکرکو دەزگەھێ عمار ژبلی ئاڤاکرنا بنگەھێن ساخلەمیی، پرۆژگرامەکێ دێ زۆر گرنگ یێ ھەی بۆ پیشتەڤانیا ساخلەمیا دەروونی دێ ١٠ کەمپێن ئاواران دەە یەکێن دەروونی بۆ خزمەتکرنا ئاواران ڤەکەن. ئیسماعیل مەحمەد ھاریکاری َ پارێزگاری دھۆکێ دیارکرکو ئەڤرۆ ٢٧/٢/٢٠١٦ دەزگەھی عەمار یی خیرخوازی نیڤ دەولەتی بنگەھی ساخلەمیی ل کەمپا ماملیان ڤەکر و گۆت ژی دەزگەھی عمار دو بنگەھێن ساخلەمیێ ل ھەرێمێ دروست دکەن دگەل دابینکرنا ئامیرین نوشداری کوژمی ڤان پرۆژان دبیتە دۆرین ٢٧٥ ھزار دولاران و داخوازی دکەن بەردەوام بن ل سەر بجە ئینانا ڤان جۆرە پرۆژە چونکو ژمارەکا زۆر ئاوارا وپەنابەرن ل ھەرێمێ نە پێدڤی خزمەتگوزاریێن ھەمە جۆر ھەنە. د. نزار عسمت تەیب رێڤەبەرێ گشتی ساخلەمیی ل پارێزگەھا دھۆکێ دیارکرکو پشتەڤانیا رێکخراوا عومار و رێکخراوێن دی ژێ دگەل ساخلەمیی ھەر ژ دەستپیکی ئەگەر بوویە ساخلەمیێ بشیت دروستاھی خزمەتێن ساخلەمیێ بگەھینتە ئاواران ، ژبلی ئاڤاکرنا بنگەھێ دەزگەھی عومار بخو بنگەھی رێڤەدبەت وھەکەر ئەڤ جۆرە پیشتەڤانیا نەھێتە کرن ژلایێ رێکخراوان ڤە دێ ئەرکی ساخلەمیێ قورس بیت نەشیت وەکو پێدڤی خزمەتان بگەھینتە ڤێ ژمارا زۆر ئاوار پەنابەران ل دھۆکێ. د. نزار عسمت گۆت ژی دەزگەھی عمار پرۆگرامەکێ دێ زۆر گرنگ یێ ھەی بۆ پشتەڤانیا ساخلەمیا دەروونی کو ١٠ یەکێن دەروونی دێ دروست کەن ل ناڤ دەە کەمپێن ئاواران زێدەباری راھینانکرنا نوشدار وکارمەندین ساخلەمیێ ئەم زۆر سوپاسیا دەزگەھێ عمار دکەن وداخوازی دکەن ھەموو رێکخراو زێدەتر پرۆژەیێن ساخلەمیێ ئەنجام بدەن. بارون بەرپرسا دەزگەھی عەمار یێ خیرخوازی نێڤ دەولەتی دیارکرکو ھەڤپیشکێ دگەل ساخلەمیا دھۆکێ شیوەیەکی باش ئەم کار دکە نبۆ بجە ئینانا پرۆژەیێن ساخلەمیێ ھزارەھا خوبەخش پارە تەرخانکرینە بۆ ئاڤادانکرنا بنگەھی ساخلەمیی ل کەمپا ماملیان دەڤەرا ئاکری و دەزگەھی ئیسل ژێ پشکەکا باش پارە مەزاختینە بۆ ئاڤاکرنا بنگەھێ ساخلەمیێ. بەرپرسا دەزگەھێ عەمار گۆت ژێ ئەم واری ساخلەمیێ دا دژی تیرورستێن داعش شەری دکەن ئەم پشت راست تیرورست چوو جاران سەرناکەڤن وئەم شانازی وێ چەندی دبەن کو ژمارەکا زۆر وەلاتیان و خۆدانکاران و جھین ژێک جۆدا پشتەڤانیا دەزگەھی عەمار کرن بۆ ئاڤاکرنا بنگەھێن ساخلەمیێ ل کەمپیێن ئاواران.