وەزارەتا ساخلەمیا عێراقێ ئاشکرا کریە کو گەهشتینە رێککەفتنێ بۆ کرینا ڤاکسینێ دژی کۆرۆنایا رووسی و ” ڤان نێزیکان“ دێ گەهیت.
رێڤەبەرێ پەرەپێدانا ل وەزارەتا ساخلەمیا عێراقێ دیار کر، وەزارەتا ساخلەمیا عێراقێ هەمی رێکارێن گرێبەستا کڕینا ڤاکسینێ (سپۆتنیک V) ی دگەل بەرپرسێن رووسیا تەمام کرینە.
هەیسەم ئەلعوبەیدی، رێڤەبەرێ پەرەپێدانا ساخلەمیێ ل وەزارەتا ساخلەمیا عێراقێ ل 22 ێ ئەیارا 2021 بۆ رۆژنامەڤانا راگەهاند: ” ڤان نێزیکان“ کاروانەک ڤاکسینێن (سپۆتنیک V ) ـێ رووسی دێ گەهیتە عێراقێ.
هەتا نوکە هەر ئێک ژ ڤاکسینێن ( سینۆفارما چینی، ئەسترازینکایا بریتانی و فایزەرا ئەمریکی) گەهشتینە عێراقێ و بەردەستن، کو بەشەک وەکی هەفکاری هاتینە بەخشین بۆ عێراقێ.
هەتا نوکە ئێک ملیون و 193 هزار و 608 کەس ل عێراقێ تووشی کۆرۆنایێ بووینە و ژ وێ ژمارێ ملیونەک و 107 هزار و 101 کەس چارەسەر بووینە ، 16 هزار و 334 کەسان گیانێ خوە ژ لەدەست دایە.
