• كانونی یه‌كه‌م 3, 2022

جڤاتا وەزیران ڕێکارێن ڕێگریکرنێ ل بەلاڤبوونا کۆلێرایێ گەنگەشەکرن

ئەڤرۆ ب سەرپەڕشتیا بەرێز مەسرور بارزانی، سەرۆکێ جڤاتا وەزیران کۆمبوونەک هاتە ئەنجامدان و تێدا رێکارێن رێگریکرنا نەخۆشیا کۆلێرایێ هاتن گەنگەشەکرن.
د برگا ئێکێ یا کۆمبوونێ دا، وەزیرێ ساخلەمیێ ڕاپۆرتەکا بەرفرەهـ دەربارەی ڕێکارێن وەزارەتا ساخلەمیێ و وەزارەتێن پەیوەندیدار بۆ ڕێگریکرنێ ل بەلاڤبوونا نەخۆشیێن زکچوونا دژوار و پەژیا کۆلێرایێ وکۆنتڕۆلکرنا وان بەرچاڤکرن و تێدا ا ب ئامار و شلوڤەکرن ئەگەرێن پەیدابوونا پەژیێ و ئامادەکاری و ڕێکار و بەرسڤدانێن وەزارەتێ بەرچاڤکرن.
جڤاتا وەزیران، سەرەڕای سوپاسی و دەستخۆشیێ ل وەزارەتا ساخلەمیێ بۆ کار و پێشکێشکرنا خزمەتگوزاریان و بەرهنگاربوونا ڤێ پەژیێ، پێشنیارێن ڕاپۆرتا وەزارەتا ساخلەمیێ پەسەند کرن و وەزارەت و لایەنێن پەیوەندیدار ڕاسپاردن بۆ بەردەوامبوون ل سەر ڕێکارێن ڕێگرتنێ ل بەلاڤبوونا ڤێ پەژیێ و چارەسەرکرنا ژێدەر و ئەگەرێن نەخۆشیێ، ب تایبەتی پاقژکرنا ژێدەرێن ئاڤێ و هشیارکرنا وەڵاتیيان د ڤی واری دا.

Read Previous

هەکە کۆلێرا ب لەز نەهێتە چارەسەرکرن دێ چ ڕوودەت؟

Read Next

سەرەدانا ناحیا بامەرنێ هاتەکرن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *