رێڤهبهريا گشتی یا ساخلهميا پارێزگهها دهوكێ ههموو خزمهت و پێدڤیێن نهخوشخانا روزانا ل كانى ماسێ، وهك تيمێن گهروك و ههواواهاتنا بلهز 122 و ستافێ نەخۆشخانێ بەرفرەهکرینە و ب شهڤ و روژ د خزمهتا وهلاتيان دانه و زێدهبارى ڤهكرنا كلينيكا ملى ل ئێڤاريا ههر ژ دهمژمێر 4 ئێڤارێ تا 12 شهڤێ و پرانيا وان خزمهتێن پێدڤى ب خوه ڤه دگريت وهك نوژدار و تاقىگههـ و تيشك و دهرمانخانه , زێدهبارێ خزمهتێن 24 دهمژمێرێ .
ل نهخوشخانا روزانا ل كانى ماسێ زێدهبارى وان پشكێن خزمهتێ ئهوێن مه ل سهرى ئاماژه پێ داى ل حهفتێێ دوو روژان نوشدارا سونهرێ و ل حهفتێى سێ روژان نۆشدارێ ددانا خزمهتێن ددانا و سونهرێ پێشكێشى وهلاتیێن دهڤهرێ دكهت.
ل ڤێ دووماهيێ و ژ بهر كاودانێن دهڤهر تێدا دهرباز دبيت نهخوشخانا روزانا تیما 122 رهوانەى کومهلگهها بريفكا كريه ژبو رووب رووبوونا ههر روودانهكا نهخوازيار.
د.رهسول محمد بيجو، رێڤهبهرێ نهخوشخانا روزانا د بێژيت: ههر نهساخهك يان بريندارهكێ ههبيت ل گوندێن دهڤهرا بهروارى بالا كو ئهم لسهر بهێنه ئاگههدار كرن ئێكسهر تيما مه يا 122 لجهێ روودانێ ئامادهدبيت و چ نهساخ چ بريندار دێ هێنه رهوانهكرن بو نهخوشخانێ و چارهسهريا دهستپێكێ دێ بو هێته كرن و ئهگهر نهساخ پێدڤى ب پتر چارهسهريێ و چاڤدێريێ بيت دێ ب ئەمبولانسێ هێته ڤهگوهاستن بو نهخوشخانا تهنگاڤيان ل زاخو و هند جاران ژی بو نهخوشخانا تهنگاڤيا يا دهوكێ و گۆت: مه دو ترومبيلێن ئهمبلانس ههنه و ل ڤێ دووماهیێ ب سوپاسى ڤه ترومبيلهكا نوى ژ لايێ رێڤهبهريا گشتی یا ساخلهميا دهوكێ بو مه هاته دابينکرن و ديسان مه تیمەکێ تایبەت ههيە بو رێكێن چيايى و دێ بهردهوام دخزمهتا وهلاتيان دابين.
