د. ئهفراسیاب موسا: پێشبینى دهێته كرن هژمارا تووشبوویان گهلهك زێدهتر بیت رێڤهبهرێ گشتى یێ ساخلهمیا پارێزگهها دهۆكێ دیاركركو ئهڤرۆ دهست ب ڤاكسینێ كۆرۆنایێ هاته كرن 11هزار و500 قورچ بووینه بههرا پارێزگهها دهۆكێ دێ ل دووڤ رێنمایێن وهزارهتا ساخلهمیێ ل سهر وهلاتیان هێنه بهلاڤكرن ئهوژى دێ دهستپیك بۆ نۆسدار و كارمهندێن ساخلهمیێ و د دووڤدا بۆ كهسێن دانعهمر وههلگرێن نهخۆشێن دومدرێژ وهندهك ژى دێ بۆ پێشمهرگهى و هێزین ئێمناهیى هێنه تهرخانكرن وهندهك ژى دێ بۆ ماموستایان هێنه دان “. د. ئهفراسیاب موسا، رێڤهبهرێ گشتى یێ ساخلهمیا پارێزگهها دهۆكێ دكونگرهكێ رۆژنامهڤانیدا ئاشكهرا كركو:” هژمارا تووشبوویان بهر ب زێدهبدهبوونێ یه لهورا پێدڤیه وهلاتى ههڤكار بن ورێنمایێن خۆپاراستنێ بجهـ بینن، چونكو پێشبینى دهێته كرن هژمارا تووشبوویان گهلهك زێدهتر بیت ژ بهرێ و ژ شیانیێن مه زێدهتر بیت و رهوش خراپتر بیت پێدڤیه خهلك پتر ههڤكاربن و رێنمایێن بهرهنگاریا كۆرۆنایێ بجهـ بینن، بهری ئهم نهچارببین قهدهغهیا هاتنۆچوونێ رابگههینن. د. ئهفراسیاب موسا، زێدهتر گۆت: نابیت ڤاكسین ل ناڤ بازاری بهێنه فرۆتن ههر جۆرهكێ ڤاكسینێ ههبیت رێك پێ ناهێته دان دناڤ بازارى دا كرین و فرۆتن پێ بهێتهکرن. فههیم عبدالله حهمۆ، سهرۆكێ جڤاتا پارێزگهها دهۆكێ دیاركر کو: ئهڤرۆ ڤاكسینێ دژى كۆرۆنایێ وهرگرت، دیاره پێلەكا دی یا كۆرۆنایێ ههیه و بهرهڤ هندێ یه رهوش خراپتر ببیت و پتر كۆرۆنا بهلاڤ ببیت و تاكه چهك د دهستێ مهدا خۆپاراستنە ژ ڤایرۆسێ كۆرۆنایێ وپێگیریا خهلكێ مهیه رێنمایێن حكومهتا ههرێما كوردستانێ بۆ بهرهنگاریا كۆرۆنایێ ئهم هێڤدارین ههموو وهلاتی ههڤكار وپشتهڤان بن بۆ بهرهنگاریا كۆرۆنایێ.
