شانده‌كێ‌ هۆبا كونترولكرنا په‌نجه‌شێرێ‌ ل به‌غدا سه‌ره‌دانا دهۆكێ‌ كر

شانده‌كێ‌ وه‌زاره‌تا ساخله‌میا به‌غدا سه‌ره‌دانا رێڤه‌به‌ریا گشتی یا ساخله‌میا پارێزگه‌ها دهۆكێ‌ كر بو زانینا ره‌وشا په‌نجه‌شێرێ‌ ل دهۆكێ‌.
شاندێ‌ ناڤبری سه‌ره‌دانا هه‌ر ئێك ژ ( سه‌نته‌رێ‌ ژین، نه‌خۆشخانا هیڤی و ژنان و زارۆبوونێ‌ و سه‌نته‌رێ‌ په‌نجه‌شێرێ‌ ل ئازادی و نه‌خۆشخانا چاڤان) كر بو زانینا كارێ‌ لیژنێن تایبه‌ت ب توماركرنا حاله‌تێن په‌نجه‌شێرێ‌ ل سه‌نته‌رێ‌ دهۆكێ‌ و قه‌زایێن ب سه‌رڤه‌ وه‌كو (نه‌خۆشخانێن ئامێدیێ‌ و ئاكرێ‌ و زاخۆ )، هه‌روه‌سا سه‌ره‌دانا هژماره‌ك نه‌خۆشخانه‌ و تاقیگه‌هێن كه‌رتێ‌ تایبه‌ت كرن.
شاندێ‌ ناڤبری سۆپاسیا رێڤه‌به‌ریا گشتی یا ساخله‌میا پارێزگه‌ها دهۆكێ‌ كر بو كار و خزمه‌تێن هاتینه‌ ئه‌نجامدان د وارێ‌ توماركرن و ده‌ستنیشانكرن و چاره‌سه‌ركرنا نه‌خۆشێن په‌نجه‌شێرێ‌ دا.