رێڤهبهرێ كارۆبارێن خۆپاراستنا ساخلهمیێ ل پارێزگهها دهۆكێ دیاركر:” نوكه پێلهكا دی یا نهخۆشیا كۆرۆنایێ ل دهۆكێ پهیدابوویه لێ هێشتا چو نهخۆش دناڤ نهخۆشخانهیاندا نههاتینه نڤاندن”.
د. فهرهاد ئیسماعیل شههاب، رێڤهبهرێ كارۆبارێن خۆپاراستنا ساخلهمیێ ل پارێزگهها دهۆكێ ئهڤرۆ 4/7/2022ێ د كۆنگرهكى رۆژنامهڤانیدا راگههاندكو:” دڤی وهرزى سالى دا پێلا نوى یا بهلاڤبوونا نهخۆشیا كۆرۆنایێ یا چاڤهریكربوو ژبهر ڤێ چهندێ ژى ساخلهمیا دهۆكێ ئامادهباشیێ دایه رۆژانە ههتا 200 تووشبوویێن كۆرۆنایێ ل دهۆكێ یێن دهێنه تۆماركرن و رێنمایێن خۆپاراستنێ ژ نهخۆشیا كۆرۆنایێ نههاتینه گوهارتن ئهو رینمایێن بهرى نوكه هاتینه دانان پێدڤیه وهلاتێ بجه بینن داكو كۆرۆنا پتر بهلاڤ نهبیت”.
ئاشكهرا كركو:” ئهڤ حالهتێن نوی یێن تووشبوویێن كۆرۆنایێ پتریا وان حالهتان ئێشێن سڤك ههنه هێشتا حالهتێن دژوار پهیدانهبووینه نوكه نهخۆشخانهیێن دهۆكێ ژ تووشبوویێن كۆرۆنایێ دڤالانه چوو نهخۆش ناڤ نهخۆشخانێ دا نینن “.
رێڤهبهرێ كارۆبارێن خۆپاراستنا ساخلهمیێ ل پارێزگهها دهۆكێ، گۆت:” ئهڤ پێلا نوى یا كۆرۆنایێ رهنگه حهفتیهكێ ههتا دو حهفتیان بمینت پاشی دێ كیم بیت ئهو كهسێن نوكه تووشێ كۆرۆنایێ بن نیشانیێن وان دسڤكن چ مهترسى ل سهر ژیانا كهسێ چێنهبوویه”.
