هژمارهكا كهل وپهلێن نوشدارێ بۆ ساخلهمیا دهۆكێ هاتنه دابینکرن
ئهڤرۆ 31/8/2023ێ ب ئامادهبوونا د. ئهفراسیاب موسا، رێڤهبهرێ گشتی یێ ساخلهمیا پارێزگهها دهۆكێ و پیر دهیان ، رێڤهبهرێ كۆچ وكۆچبهران وبهرسڤدانا قهیرانا ل پارێزگهها دهۆكێ و بهرپرس و نوونهرێن رێكخراوا نوشدارێن بێسنۆر هژمارهكا كهل وپهلێن نۆشدارێ بۆ ساخلهمیا دهۆكێ هاتنه دابینکرن،
د. ئهفراسیاب موسا، رێڤهبهرێ گشتی یێ ساخلهمیا پارێزگهها دهۆكێ دیاركر کو ب چاڤدێریا “د. عهلی تهتهر” پارێزگارێ دهۆكێ ب ههماههنگی دگهل رێڤهبهریا كۆچ وكۆچبهران وبهرسڤدانا قهیرانا ل پارێزگهها دهۆكێ رێكخراوا نوشدارێن بێ سنۆر رابوویه ب دابینکرنا كهل وپهلێن نۆشدارێ ب بهایێ 63 هزار دولاران وهكو دیاریێ بۆ ساخلهمیا دهۆكێ و گۆت: ئهڤ هاریكاریە پێكهاتینه ژ كهل وپهلێن نۆشداری و دێ ل نهخۆشخانە و بنگههێن ساخلەمیا دهۆكێ هێنه بكارئینان و گهلهك جاران رێكخراوان هاریكاریا مه كریه بۆ ئاواران وپهنابهران ئهم هیڤدارین بهردهوام بن.
پیر دهیان، رێڤهبهرێ كۆچ وكۆچبهران وبهرسڤدانا قهیرانا ل پارێزگهها دهۆكێ دیاركر:” ئەو هاریکاری ب پشتهڤانییا رێكخراوا MSF هاتینه پێشكیشكرن بۆ ساخلهمییا دهۆکێ ب ههولێن رێڤهبهریا كۆچ وكۆچبهران و گۆتژی: دێ بهردهوام بین بۆ دابینكرنا پێدڤیێن نۆشدارێ بۆ ساخلهمیا دهۆكێ ژبهركو بارگرانی ل سهر ساخلهمیێ ههیه و رێژهكا زۆر یا ئاواران ل دهۆكێ ههنه و ب رێژا 40% نهخۆشێن قهستا دام و دهزگههیێن ساخلهمیا دهۆكێ دكهن ئاوارانه وهاریكاریا رێكخراوێن خێرخوازی ژی كێمبووینه ئهڤه ژی بوویه ئاستهنگ و ئهم داخوازا بهردهوامیا پشتهڤانیێ دكهین بۆ ساخلهمیا دهۆكێ.
