• كانونی یه‌كه‌م 3, 2022

پشکا نوی یا زاروک و ئافرەت و زاروکبوونێ ل ئاکرێ هاتەڤەکرن

ئەڤرۆ ب ئامادەبوونا د.سامان بەرزنجی وەزیرێ تەندروستی و د.ئەفراسیاب موسی، رێڤەبەرێ گشتی یێ ساخلەمیا پارێزگەها دهۆکێ و هژمارەک بەرپرسێن حزبی و حکۆمی و نوونەرێن رێکخراوا(ئایسپو)یا ئیتالی و قایمقامێ قەزا ئاکرێ، پشکا نوی یا زاروک و ئافرەت و زاروکبوونێ هاتە ڤەکرن.
د کونگرەکێ روژنامەڤانیدا د.سامان بەرزنجی وەزیرێ تەندروستی دا دیارکرن کو ڤەکرنا پشکا نوو یا زاروک و ئافرەت وزاروکبوونێ پێنگاڤەکا باشە بۆ قەزا ئاکرێ و دێ خزمەتەکا مەزن بۆ دەڤەرێ ب گشتی کەت دێ کەرتێ ساخلەمیێ ل ڤێ دەڤەرێ بەتە قوناغەکا دی و دێ خزمەتەکا مەزن بۆ دەڤەرێ کەت و سوپاسیا رێکخراوا ئایسپو یا ئیتالی دکەین کو ب پشتەڤانیا دارای یا ئێکەتیا ئەوروپی هەردەم هاریکاربوویە ل نووژەنکرن و ئاڤاکرنا پروژان کو کارێن باش ئەنجامداینە و دێ بەردەوام پالپشت بین ل ئەنجامدانا پروژان.
د.ئەفراسیاب موسا، رێڤەبەرێ گشتی یێ ساخلەمیا پارێزگەها دهۆکێ دیارکر کو ئەڤ پروژە ب هەماهەنگیا رێکخراوا(ئایسپو)یا ئیتالی و پشتەڤانیا دارایی یا ئێکەتیا ئەوروپی پروژێ ئاڤاکرن و نویژەنکرنا پشکا زاروک و ئافرەت و زاروکبوونێ ل ئاکرێ هاتیە چێکرن،کو ئەڤ پروژە پێک دهێت ژ ٣١ تەختێن بەری و پشتی زاروکبوونێ و ژورەکا نشتەرگەیێن بچووک و دو ژورێن راوێژکاریێن بەری و پشتی زاروکبوونێ و دەرمانخانە و ژورا تافیلکرنێ و ژورا خوگوهارتنێ وچەند کوگەهـ و کارگێری بخۆڤەدگریت، هەروەسا کارگەها ئوکسجینێ کارەکێ باش تێدا هاتەکرن ل دووف ستانداردێن جیهانی ئوکسجین هاتیە دابینکرن.
مازن محمد سعید، قایمقامێ قەزا ئاکرێ ژی دا دیارکرن کو ئەڤ پروژە بۆ ماوێ سالەکێ یە کار تێدا دهێتەکرن و خوشبەختانە ل دەمێ خۆدا هاتە تەمامکرن و ئەڤ پروژە دێ خزمەتەکا مەزن بۆ خەلکێ ئاکرێ ب گشتی کەت تایبەت زاروک و ئافرەتان و ئەو زاروکێن پێدڤی چاڤدێریا چڕ دبن ئەڤرۆ پێڤە پێدڤی ناکەت بۆ دهۆک بهێنە رەوانەکرن و دێ ل ئاکرێ بن چاڤدێریێ بن و خزمەتا وان هێتەکرن.
هەروەسا نوونەرێ رێکخراوا ئایسپو یا ئیتالی ژی دا دیارکرن کو ئەڤرۆ ئەم گەلەک کەیف خۆشین ب ڤەکرنا ڤی پروژەی بۆ قەزا ئاکرێ و کو مە بەری نوکە ژی ل دهۆک و ئاکرێ ژی پروژە ئەنجامداینە، راستە ئەڤ پروژە نەشێت هەمی کێماسیان ل قەزا ئاکرێ چارەبکەت لێ بەشەک ژ کێشان دێ هێنەچارەکرن و ئەم دێ بەردەوام بین ل ئەنجامدانا پروژان یێت پێدڤی بۆ پارێزگەها دهۆکێ ب گشتی.

Read Previous

ساخلەمیا دهۆکێ و زانکۆیێن دهۆک و پۆلیتەکنیک گرێبەستەک دگەل ئیتالیا ئیمزاکر

Read Next

بەرێ بنیاتێ بۆ سەنتەرێ نەخۆشێن تالاسیمیایێ و بانکا خۆینێ ل ئاکرێ هاتەدانان

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *