• كانونی یه‌كه‌م 7, 2022

ڕونكرنەک ل وەزارەتا ساخلەمیێ بۆ ڕەئیا گشتی

سەبارەت وان پەیام و پڕوپاگندێن ل ڤان رۆژان بەلاڤبووین کو نەخۆشخانا هیوا ل باژێرێ سلێمانیێ دێ هێتە داخستن یان فرۆشتن و دێ دەنە ب كەرتێ تایبەت، کو ب مخابنیڤە بوویە ئەگەرێ دەستکرنا چەواشەکاری و موزایەدەکرنێ.
لەورا ئەم ب پێدڤی دزانین بو ڕائیا گشتی بگەهینین کو ئەڤی دەنگۆی رەتدکەین، چونکو هیچ بنەمایەک نینە و دوورە ژ ڕاستیێ، بەڵكو بەرۆڤاژی ل نەخۆشخانا هیوا و هەموو نەخۆشخانە و سەنتەرێن پەنجەشێرێ ل هەرێما کوردستانێ، ب تەمامی خزمەتکرنا نەخۆشان بێ بەرامبەڕە و بنێرینا حکومەتا هەرێما کوردستانێ و وەزارەتا تەندروستی ئەڤ نەخۆشخانە هەردەم جهێ بایەخ و گرنگیپێدانێ بووینە و هەموو پاڵپشتی و ئاسانكاری بۆ دهێنەکرن و چەندین پڕۆژەیێن دروستکرن و بەرفرەهکرن و دابینکرنا ئامێر و پێدڤییان ل بوارێ بجهئینانێ نە، ئەڤە سەرەرای دابینکرنا دەرمان و چارەسەریا ب تیشکێ و نشتەرگەری و خزمەتگوزاریێن جۆراوجۆر کو تێچوویێن هەیڤانە چەندین ملیار دینارن.
لەوڕا جارەکا دیتر سەرەرای ڕەتکرنا ڤێ پەیامێ و دەنگۆیان و رەتکرنا هەر هزر و هەولەکا ژ ڤی جۆری کو ب مخابنیڤە چەندین کەس و لایەنان دەست ب موزایەدەکرنێ کری یە، ل هەمان دەم دا هاووڵاتیان و نۆشدار و کارمەندێن نەخۆشخانا هیوا و هەموو سەنتەرێن دی یێن پەنجەشێرێ دڵنیا دکەین کو ب پشتەڤانیا سەرۆکێ حکومەتێ و جڤاتا وەزیران و هەماهەنگیا وەزارەتا دارایی، هەر کێشە و کێماسیەک و پێدڤیێن وان وەکو خەرجکرنا بودجا (بەدەل عیادە) ل دووڤ پێدڤی و هەڤسەنگیا دابەشکرنێ ل سەر بنەمایێ ئێکسانی و پابەندبوون ب ڕێنمایێن چاکسازی و هەموارکرنێ دێ چارەسەر بن، هەروسا هەموو پشتەڤانی و ئاسانکاریەکێ دێ کەین بۆ کۆمپانیێا دابینکەر بۆ وەرگرتنا شایستێن خوە ل وەزارەتا دارایی ژپێخەمەت بەردەوامبوونا دابینکرنا دەرمان و پێدڤیێن نۆشداری بۆ تووشبوویێن پەنجەشێرێ ل هەرێما کوردستانێ.
د. ئاسۆ حەوێزی
گوتەبێژێ وەزارەتا تەندروستی
١٩ حوزەیران ٢٠٢١

Read Previous

لبەرکرنا جل و کەرستێن خوە پاراستنێ بو نوژدار و کارمەندێن د تاقیگەهان دا کار دکەن

Read Next

سەروکێ حکومەتا کوردستانێ برایار دا هەیڤانە ملیارەك و 600 ملیون دیناران بو نەخوشخانێن پەنجەشێرێ بهێنە مەزاختن

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *