• كانونی یه‌كه‌م 3, 2022

ژ بۆ ئاساییبوونا ژیانێ

٭ رێڤەبەریا گشتی یا ساخلەمیا پارێزگەها دهۆکێ هەر ژ پەیدابوونا ڤاکسینێ دژی کۆرۆنایێ ب پشتەڤانیا حکۆمەتا هەرێما کوردستانێ و وەزارەتا تەندرۆستی، شیایە هژمارەکا ژەمێن پێدڤی یێن ڤاکسینێ بو پارێزگەها دهۆکێ دابین بکەت، وەکو رێیەکا کاریگەر بو ئاسایبوونا ژیانا هاولاتیان.
٭ 53 بنگەهێن ڤاکسیندانێ ل سنورێ پارێزگەها دهۆکێ رۆژانە د خزمەتا هاولاتیێن خۆشتڤی دانە بو پێدانا ڤاکسینان ژ جورێن (سینۆفارما، ئەسترازینیکا وفایزەر)، سۆپاسیا خەلکێ خۆشتڤی دکەین کو ب شێوەیەکێ باش قەستا بنگەهێن ڤاکسینێ دکەن.
٭ هەتا نوکە 354,458 کەسان ڤاکسین وەرگرتینە کو دورێن 150 هزار ژوان هەردو ژەمێن ڤاکسینێ وەرگرتینە.
٭ وەکو ئاسانکاری بو هاولاتیان، ل حەفتیا دەربازبووی، مە بڕیاردا پێدانا ڤاکسینێ ب رێیا تومارکرنا راستەوخۆ بیت، ئانکو هەر وەلاتیەکێ ژیێ وی 16 سال دەربازببن، دشێت ناسناما خوە ببەت و سەرەدانا نێزیکترین بنگەهـ بکەت، راستەوخۆ دێ ڤاکسینێ وەرگریت و ناڤێ وی دسیستەمێ ئەلکترۆنی دا هێتە تومارکرن.
٭ بو ئاسایببوونا ژیانێ دناڤ کەمپینێ زانکۆ و پەیمانگەهان دا، داخازێ ژ قوتابیێن خۆشتڤی یێن زانکۆ و پەیمانگەهان دکەین، رۆژانە دەمژمێر 3-7ێ ئێڤاری سەرەدانا بنگەهێ یانا دهۆک یا وەرزشی بکەن بو وەرگرتنا ڤاکسینێ.
٭ دناڤ کەمپێن ئاوارە و پەنابەران داژی، رێڤەبەریا مە ئاگەهداریا ئاکنجیێن وان دکەت کو ل حەفتیا بهێت ل پێنج کەمپان (باجد کەندالا، بێرسڤێ، قادیا، کەبەرتو و کوێلان) دێ دەست ب کارێ خوە کەن و راستەوخۆ دێ بو وەلاتیان هێنە دانان.
٭ داکو ژیان ئاسایێ ببیت و بگەهینە ئاستەکێ جیهانی کو بەرگرییا ب کۆم پەیداببیت، داخازێ ژ وەلاتیان دکەین ڤاکسینێ ب گرنگی وەربگرن و بەردەوام بن ل سەر رێکارێن خۆپاراستنێ و ب تایبەت ل جهێن گشتی.
د.ئەفراسیاب موسا یونس
رێڤەبەرێ گشتیێ ساخلەمیا دهۆکێ

Read Previous

ڤاكسینكرنا پێشمه‌رگه‌یێن قاره‌مان

Read Next

ل نەخۆشخانا سێمێل یا گشتی دڤێ مەهێ دا (15558) نەخۆش دیتینە

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *