د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ پێشوازی ل شاندەکێ زانکۆیا ساساری یا ئیتالی و رێکخراوا AISPO کر.
د کۆمبوونەکێ دا دانۆستاندن هاتەکرن ل دۆر پرۆژەکی کو بو دەمێ سێ سالان دناڤبەرا ساخلەمیا دهۆکێ و زانکۆیێن دهۆک و پولیتەکنیک دێ هێتە بجهئینان ب مەرەما پێشڤەبرنا پەرستاری و چارەسەریا سرۆشتی دا.
د.ئەفراسیاب موسا دیارکر، پلان ئەوە دگەل زانکۆیا ساساری یا ئیتالی و رێکخراوا ئایسپۆ و هەردو زانکۆیێن دهۆک وپۆلیتەکنیک کار دڤی بیاڤی دا بکەن، داکو ستافەکێ باش بهێتە مەشقدان و پتر خزمەتا وەلاتیێن دهۆکێ د وارێن پەرستاری و چارەسەریا سرۆشتی دا بهێتەکرن، نەخاسمە کو نوکە خەلک گەلەک پێدڤی ب ڤان خزمەتانە.
