• تشرینی یه‌كه‌م 6, 2022

رێڤەبەرێ نەخۆشخانا ئازادی هاتە گۆهورین

ب ئامادەبوونا د.ئەفراسیاب موسا یونس، رێڤەبەرێ گشتیێ ساخلەمیا پارێزگەها دهۆکێ، رێ و رەسمێن دەست ب کاربوونا رێڤەبەرێ نوی یێ نەخۆشخانا ئازادی یا فێرکرنێ ب رێڤەچوون.
د.ئەفراسیاب موسا، رێڤەبەرێ گشتیێ ساخلەمیا پارێزگەها دهۆکێ دیارکر کو نەخۆشخانا ئازادی ئێک ژ نەخۆشخانێن هەرە گرنگە ل پارێزگەها دهۆکێ و ددەمێن شەر و قەیرانان دا خزمەتەکا مەزن پێشکێشی خەلکێ پارێزگەهێ و ئاوارە و پەنابەران کریە و گۆت: رێڤەبەریا نەخۆشخانێ شیایە ب شێوەیەکێ سەرکەفتیانە کارێ خوە ئەنجام بدەن و دەرگەهێن نەخۆشخانێ ب هەموو خزمەتێن خوەڤە هەمبەر نەخۆشان ڤەکری بووینە.
رێڤەبەرێ گشتیێ ساخلەمیا پارێزگەها دهۆکێ سۆپاسیا د.سەباح ئەحمەد وەکو رێڤەبەرێ نەخۆشخانێ ددەمێ دەربازبووی دا دگەل ستافێ نەخۆشخانێ کر، کو شیاین ئەرکێ ل سەر مللێن خوە ب شێوازەکێ باش ب رێڤەببەن.
هەروەسا پیرۆزباهیا د. سەگڤان سلێمان خەمو کر وەکو رێڤەبەرێ نوی یێ نەخۆشخانا ئازادی و خواست ب باشترین شێوە خزمەتا وەلاتیێن پارێزگەها دهۆکێ بهێتەکرن.
د.سەباح ئەحمەد، سۆپاسیا ستافێ کارگێری و هەموو نەخۆشخانێ کر کو ل دەمێ رێڤەبەرێ نەخۆشخانێ هاریکاربووین دگەلدا و گۆت: سەرەرای هەبوونا قەیرانان و پەیدابوونا نەخۆشیا کۆرۆنایێ هەموو پێکڤە شیان دەربازبکەن و نەخۆشخانە پشتی هاتیە تەرخانکرن بۆ نەخۆشێن کۆرۆنایێ،شیان دوبارە بێخنە دخزمەتا نەخۆشان دا و ئامادەییا خوە دەربڕی بو هەر هەڤکاریەکێ.
ژلایێ خوە ڤە د.سەگڤان سلێمان خەمو، رێڤەبەرێ نوی یێ نەخۆشخانا ئازادی دیارکر بو ب رێڤەبەرنا نەخۆشخانێ پێدڤیە هەڤکاریەکا باش ژ هەموو لایەکی هەبیت ب تایبەت نۆشدار و کارمەندێن ساخلەمیێ و کارگێری ل نەخۆشخانێ داکو هەموو پشکێن نەخۆشخانێ خزمەتا وەلاتیێن پارێزگەهێ بکەن.

Read Previous

تیمه‌كێ‌ نوشدارێن ئه‌رمینیا دێ‌ هژماره‌كا نشته‌رگه‌ریێن چاڤان ئه‌نجام ده‌ن

Read Next

ساخلەمیا عێراقێ: ڤان نێزیکان دێ ڤاکسینا رووسی گەهیتە عێراقێ

Leave a Reply

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *