رێ ورسمه‌كێ رێزگرتنێ یێ تایبه‌ت بو رێڤه‌به‌رێن گشتى یێن به‌رێ و نوو هاته‌ سازكرن

ئه‌ڤرۆ سپێدێ 14/1/2021 ل كوچكا پارێزگه‌هێ ب سه‌رپه‌رشتیا به‌رێز د.على ته‌ته‌ر پارێزگارێ دهۆكێ وب ئاماده‌بونا به‌رێز ماجد سه‌ید صالح جێگرێ پارێزگارێ دهۆكێ ب وه‌كاله‌ت رێ ورسمه‌كێ رێزگرتنێ یێ تایبه‌ت بو رێڤه‌به‌رێن گشتى یێن به‌رێ و نوو هاته‌ سازكرن.

پارێزگارێ دهۆكێ دپه‌یڤه‌كێدا گوت: گوهورین تشته‌كێ نورماڵه‌ وكاره‌كێ ساخله‌مه‌ حكومه‌تا هه‌رێمێ ئه‌نجامده‌ت و بناڤێ حكومه‌تا هه‌رێمێ وكارگێریا پارێزگه‌هێ سوپاسى وده‌ستخوشى ل هه‌ر شه‌ش رێڤه‌به‌رێن گشتى یێن ( ته‌ندروستى وره‌وشه‌نبیرى وهونه‌رى وئه‌وقافێ وكاره‌بێ وچاندنێ وگه‌شت وگوزارێ) كر كو ل سالێن ده‌ربازبووى وسه‌ره‌رایى هه‌بونا چه‌ندین قه‌یرانا شیاینه‌ خزمه‌ته‌كا به‌رچاڤ پێشكێشبكه‌ن نه‌خاسمه‌ ل شه‌رێ دژى تیرورستێن داعش وگوت: كار وخزمه‌تا هه‌وه‌ ئه‌نجامداى جهێ رێزگرتن وسوپاسیێ یه‌.

هه‌روه‌سا پیروزباهى ل رێڤه‌به‌رێن نوو كر وگوت: كارێ هه‌وه‌ یێ گرانه‌ هه‌مبه‌ر وى ئه‌ركێ ب هه‌وه‌ هاتیه‌ راسپاردن وته‌كه‌زكر كو ل دووڤ یاسا ورێنمایێن حكومه‌تا هه‌رێما كوردستانێ وبێ جیاوازى وب یه‌كسانى وب دادپه‌روه‌رى ودور ژروتینێ باشترین خزمه‌تكارى وئاسانكاریا بو هه‌موو هاولاتیان پێشكێشبكه‌ن.

هه‌روه‌سا داكوكى ل سه‌ر بجهئینانا رێنمایێن خو پارێزیێ ژڤایروسێ كورونایێ ل ناڤا هه‌موو فه‌رمانگه‌ها كر وژهاولاتیان ژى خواست كو ئه‌وژى پێگریێ ب رێنمایێن ته‌ندورستى بكه‌ن وسه‌ركه‌فتن بو هه‌موو رێڤه‌به‌رێن نوو خواست وپشته‌ڤانیا پارێزگه‌هێ نیشان دا بو هه‌ر هاریكاریه‌كێ .

پاش خه‌لاتێن رێزلێنانێ ل سه‌ر هه‌موو رێڤه‌به‌ران هاتنه‌ به‌ڵاڤكرن.

Read Previous

رێکخراوا UNFPA دێ بەردەوامیێ ب پشتەڤانیا ساخلەمیێ دەت

Read Next

رێکخراوا ئایسپۆ د کۆمبوونەکا ساخلەمیا دهۆکێ دا

Leave a Reply

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *